سال 2009کے برعکس 2010میں خواتین پر تشدد کے واقعات میں کمی ،ٹوٹل 79واقعات کی رپورٹ موصول ہوئی،عورت فاﺅنڈیشن نے بلوچستان میں عورتوں کے خلاف تشدد کی صورت حال سے متعلق اپنی سالانہ رپورٹ 2010 کوئٹہ پریس کلب میں منعقد ایک پریس کانفرنس میں جاری کر دی۔ رپورٹ ماہ جنوری تا دسمبر 2010میںعورتوں کے خلاف تشدد کے ہونے والے واقعات پر جمع کردہ اعداد و شمار پر مشتمل ہے۔ جو کہ عورت فاﺅنڈیشن کے قومی پروگرام پاکستان میں عورتوں کے خلاف تشدد کے واقعات کے اعداد و شمار کا تجزیہ اور پالیسی مرتب کرتا ہے ۔ عورتوں کے خلاف تشدد ایک خطرناک حد تک عالمی مظہر کا باعث بن رہا ہے ۔ جس سے بے شمار عورتوں کی عزت و ناموس متاثر ہو رہی ہے۔ تشدد ایک بہت ہی بڑا صنفی امتیاز ، غیر مساویانہ امتیاز اور معاشرے میں نا ہمواری کا بڑھتا ہو ا ذریعہ بن رہا ہے ۔ تشدد کے حوالے سے اعداد و شمار برف پگھلنے کا ایک معمولی ذرہ معلوم ہوتا ہے ۔ اس رپورٹ کا مقصد بلوچستان میں عورتوں کے خلاف تشدد کے واقعات کی نشاندہی کرناہے ۔ جس کا مقصد زیادہ معلوماتی اور مددگار ماحول اور سماجی دباﺅ پیدا کرنا ہے۔ عورتوں کے خلاف تشدد کے واقعات کے اعداد و شمار مستقبل میں بننے والی پالیسی اور قانونی اصلاحات کے سلسلے میں مرکزی اور صوبائی حکومتوں ، سیاسی جماعتوں اور قانون دانوں کو مصالحتی طریقہ کار ، ترقیاتی پالیسیوں کے فریم ورک اور ادارتی نظام کے تحت عورتوں کے خلاف تشدد کے خاتمہ میں مددگار ثابت ہونگے۔

سال 2010کے دوران بلوچستان بھر میں عورتوںکے خلاف تشدد کے کل 79واقعات کی رپورٹ موصول ہوئی ۔ تقریباً تمام واقعات رپورٹ شدہ ہیں ۔ 79واقعات میں سے 76کی FIRکاٹی گئی ہیں۔ یعنی96%رجسٹرڈ کئے گئے ۔ جبکہ3واقعات جو کہ 4%بنتے ہیں رجسٹرڈ نہیں کئے گئے ۔ رپورٹ شدہ 79واقعات میں سے 15قتل کے واقعات ہیں ۔غیرت کے نام پر قتل کے36واقعات ہوئے۔ اغواءکے کل2واقعات رپورٹ کئے گئے ۔ گھریلو تشدد کے کُل 4واقعات میں رپورٹ ہوئے۔ خودکشی کے کُل 8واقعات رپورٹ ہوئے ۔ ریپ کے کُل 6واقعات رپورٹ ہوئے ۔ جلنے کا 1واقع رپورٹ ہوا۔ تیزاب پھینکنے کے 5واقعات رپورٹ ہوئے ۔ جبکہ تشدد کے مختلف نوعیت کے 2واقعات رپورٹ ہوئے۔

تمام ریکارڈ اور غیر ریکارڈ شدہ عورتوں کو غیرت کے نام پر قتل کے واقعات کی شرح فیصد بہت زیادہ رہی یعنی 45.5%کے قریب ، عورتوںکے قتل کی شرح 19%، گھریلو تشدد 5%، ریپ /گینگ ریپ 7.5%، اقدام خودکشی 10%، اورمختلف نوعیت کے تشدد 2.5%۔ سال 2008اور 2009کے برعکس سال 2010میں عورتوں پر تشدد کے واقعات میں نمایا ں کمی ہوئی ہے ۔ سال 2008میں عورتوں کے خلاف تشدد کے 767واقعات رپورٹ ہوئے اور سال 2009میں 337واقعات رپورٹ ہوئے ۔ جبکہ سال 2010میں 79واقعات رپورٹ ہوئے ۔ سال 2010کے تمام واقعات بلوچستان کے 15اضلاع جن میں چاغی ، نوشکی ، لورالائی ، قلات، بولان ، ژوب، جھل مگسی ، مستونگ ، نصیر آباد، جعفر آباد، کوئٹہ ، خضدار ، گوادر، سبی اور قلعہ عبد اللہ سے رپورٹ ہوئے ۔