بلوچستان کی 38رکنی کابینہ نے حلف اٹھالیا،محکموں کا اعلان آج ہوگا
کوئٹہ ( مانیٹرنگ سیل/جنگ نیوز)بلوچستان کی 38رکنی کابینہ نے حلف اٹھالیاہے،گورنربلوچستان نواب ذوالفقار مگسی نے وزراء سے حلف لیاتاہم وزراء کے محکموں کااعلان آج کیا جائیگا۔تفصیلات کے مطابق 4خواتین سمیت 38 رکنی بلوچستان کی کابینہ نے بدھ کی شام گورنرہاؤس میں حلف اٹھا لیااوروزراء کا تعلق پاکستان پیپلز پارٹی ، عوامی نیشنل پارٹی (اے این پی)، مسلم لیگ (ق) ، بلوچستان نیشنل پارٹی عوامی (بی این پی )اور آزاد گروپ سے ہے۔حلف اٹھانے والے وزراء میں سید احسان شاہ، اسدبلوچ غلام جان،اصغر رند، ظفر زہری، مولانا عبدالواسع، غلام سرور، عبدالصمد اخوندزادہ، مولانا عبدالباری، عین اللہ شمس، حاجی نور محمد نواز، روبینہ عرفان، نسرین کیتھران، محمد خان اتمان خیل، امان اللہ نوتیزئی، بیگم شمع پروین مگسی، زرمرک خان، سلطان ترین سردار بزنجو، قمبر گچکی، پیر شاہ نواز زہری، رستم جمالی عبدالر حمن مینگل، ظہور بلیدی، صادق عمرانی، شفیق احمد خان، جان علی چنگیزی، یونس ملازئی، علی مدد، اسماعیل گجر، آغا عرفان کریم، بیگم غزالہ گولہ، سردار ثناء اللہ زہری، عبدالخالق، بشر دوست، سردار مسعود لونی، میرحمل کلمتی، بابو رحیم مینگل، حبیب الرحمن محمد حسنی اور رستم جمالی شامل ہیں۔ حلف برداری کی تقریب میں وزیر اعلیٰ بلوچستان اسلم رئیسانی،صوبائی اسمبلی کے اسپیکر، ڈپٹی اسپیکر، ارکان اور عمائدین شہربھی موجود تھے۔

__________________