بلیک میل کا نیا ذریعہ۔

بلیک میل کا نیا ذریعہ۔ · 17-12-10, 09:18 PM

ترکمانستان افغانستان پاکستان ہندوستان گیس پائپ لائن منصوبہ چاروں ممالک اور خاص طور پر افغانستان کے لیے بہت اہمیت رکھتا ہے۔ اگر اس منصوبے کو عملی شکل دی گئی تو افغانستان میں روزگار کے نئے مواقع پیدا ہوں گے جس سے قومی شعبۂ توانائی کو فروغ ملے گا۔ سوال صرف یہ ہے کہ موجودہ حالات میں اس منصوبے پر عمل درآمد ممکن ہے یا نہیں؟

ٹرانس افغان گیس پائپ لائن کا چرچا ایک عرصے سے جاری ہے۔ یہ منصوبہ 1990 کے عشرے میں پہلی بار منظر عام پر آیا تھا۔ ان کمپنیوں کا تذکرہ بھی کیا گیا تھا جنہیں یہ پائپ لائن تعمیر کرنی تھی۔ بعد میں اس منصوبے سے انکار کیا گیا تھا لیکن پھر امریکہ کے دباؤ کے تحت اس میں نئی جان ڈال دی گئی۔ آج اس سمت میں کام جاری ہے۔

اس خطے کو ٹرانس افغان گیس پائپ لائن کی تمعیر سے کیا فائدہ پہنچے گا؟ روسی ماہر شرقیات Andrei Grozin نے اس سوال کا جواب دیتے ہوئے کہا: شائد، کسی کو توقع ہوگی کہ اس پائپ لائن کا استعمال خطے کی خوشی و خوشحالی کی ضمانت ہے لیکن کئی سنگین مسائل حل طلب ہیں۔ افغانستان میں عدم استحکام سنگین ترین مسئلہ ہے۔ اسی لیے سرمایہ کاروں کو اس پروجیکٹ میں رقوم لگانے پر مائل کیا جانا بہت ہی مشکل ہوگا۔ آج افغانستان سرمایہ کاروں کے لیے کم کشش رکھتا ہے جبکہ گیس پائپ لائن میں سرمایہ کاری کرنے والوں کو شاہراہوں اور تجارت سے متعلق پروجیکٹوں کی نسبت زیادہ خطرات کا سامنا ہوگا۔ گیس پائپ لائن آسانی سے دہشت گردانہ حملوں کا نشانہ بن سکتی ہے۔ اس پر پہرہ دینا ہوگا جس سے اخراجات میں اضافہ متوقع ہے۔ ان افغان صوبوں کے لیڈروں کو رقوم ادا کرنی پڑیں گی جن سے یہ پائپ لائن گزرے گی۔

دراصل افغانستان کے علاوہ پاکستان کی بھی یہی حالت ہے۔ صوبہ بلوچستان کے حکام اور وہاں کے فلڈ کمانڈر پائپ لائن کی حفاظت پر راضی ہوں، اس کے لیے انہیں رقوم ادا کرنی ہوں گی۔ اس سے اخراجات بڑھ جائیں گے۔ خدشہ ہے کہ افغانستان میں گیس پائپ لائن کے مختلف حصوں کا تحفظ کرنے کا حق حاصل کئے جانے کی خاطر کشاکش شروع ہوگی۔ بلیک میل کا مسئلہ بھی پیدا ہو سکتا ہے۔ مخصتر یہ کہ اخراجات میں بلاشبہ اضافہ ہوگا جبکہ سرمایہ کاری کے بارے میں حتمی فیصلہ ابھی نہیں ہوا۔

روسی ماہر شرقیات آندرے گروزین نے مزید کہا: ایشیائی ترقیاتی بینک نے گزشتہ دس سال کے دوران ٹرانس افغانس گیس پائپ لائن منصوبے کے سلسلے میں تکنیکی تحقیقات کے لیے کم از کم پانچ مرتبہ رقوم فراہم کی تھیں۔ اب یوں لگتا ہے کہ عالمی بینگ اور انٹرنیشنل مانٹری فنڈ کی طرح ایشیائی ترقیاتی بینک بھی اس پروجیکٹ میں سرمایہ کاری کرنے کا خواہاں نہیں۔ آج یہ منصوبہ زیادہ سے زیادہ سیاسی نوعیت کا حامل ہے۔ چاروں شریک ممالک اپنے اپنے سیاسی مقصاد کی تکمیل کے لیے اس سے فائدہ اٹھانا چاہتے ہیں۔

دریں اثناء ٹرانس افغان گیس پائپ لائن منصوبے کے بعض متبادل موجود ہیں جن میں ایران پاکستان ہندوستان گیس پائپ لائن کا پروجیکٹ قابل ذکر ہے۔ تکنیکی لحاظ سے یہ ٹرانس افغان پائپ لائن سے کچھ کم نہیں جبکہ سیاسی اعتبار سے امریکہ اس پروجیکٹ سے ناخوش ہے۔ واشنگٹن انتظامیہ ایران پاکستان گیس پائپ لائن کے منصوبے پر عمل درآمد میں رکاوٹیں ڈالتی آ رہی ہے۔ ساتھ ہی امریکہ ترکمانستان کی گیس کی ترسیل کے لیے نابوکو نامی پائپ لائن کی تمعیر کی حمایت کرتا ہے۔ اس کے علاوہ یہ بات قابل توجہ ہے کہ ترکمانستان میں موجود گیس کے ذخائر کے بارے میں مختلف اندازے ظاہر کئے جا رہے ہیں۔ تاہم، نابوکو اور ٹرانس افغان گیس پائپ لائن جیسے سیاسی منصوبوں کی یہی حالت ہوتی ہے۔

بلیک میل کا نیا ذریعہ۔: صدائے روس

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
یعقوب بزنجو کی جعلی قرار دی گئی ڈگری	کنعان	سیاست	0	07-07-10 04:16 AM
ایک یعنی صرف ایک	بھائی	گپ شپ	5	31-10-08 04:22 PM
اطلاعات بذریعہ ای میل	myown	خاص آفرز اور اعلانات	2	20-10-08 03:21 PM
آگ سے بچنے کا ذریعہ !!!	kutkutariyaan	اپکے کالم	2	03-05-08 03:10 PM

Currently Active Users Viewing This Thread: 1 (0 members and 1 guests)