September 14, 2007



بنگلہ دیش کی یونیوسٹی آف انجنیئرنگ اینڈ ٹیکنالوجی کے پروفیسر مہدی احمد انصاری کا کہنا ہے کہ اگرچہ بنگلہ دیش کے ساحلی علاقوں سے سمندری طوفان سونامی کے ٹکرانے کا خطرہ بہت کم ہے مگر ملک کے اکثر حصوں اور بھارت کے شمال مشرقی علاقے میں شدید زلزلے آسکتے ہیں۔

پروفیسر مہدی احمد انصاری نے کہا کہ اس سال کے پہلے آٹھ مہینوں میں بنگلہ دیش میں ہلکی اور درمیانی شدت کے 38 زلزلے آچکے ہیں جبکہ صرف اگست میں 14 زلزلے آئے جو کہ ایک ریکارڈ ہے۔

اس سال آنے والے 12 زلزلوں کی قوت ریکٹر سکیل پر پانچ سے زیادہ تھی۔

پروفیسر انصاری نے دعویٰ کیا کہ بنگلہ دیش کا 43 فی صد علاقہ زلزلوں کے انتہائی خطرے والے حصے میں،جب کہ 41 فی صد درمیانے اور 16 فی صد کم خطرے والے حصے میں واقع ہے۔

__________________