مختلف خبر رساں انجینسیوں کے مطابق پینٹا گان اور وائٹ ہاوس کے اہلکار کہہ رہے ہیں کہ ایبٹ آباد کے جس حملے میں بن لادن کو مار گیا ہے اسکا امریکی کمانڈوز کے ہیلمٹ کیمرے سے بنایا گیا ویڈیو اور بن لادن کو امریکی بحری بیڑے USS Carl Vinson سے سمندر میں دفنانے کے ویڈیو کو جاری کرنے پر غور کیا جا رہا ہے۔ امریکی کمانڈوز کےہیلمٹ پر لگےکیمروں کی مدد سے یہ حملہ صدر اوبامہ کو لائیو دکھایا گیا تھا اور سارے مشن کو ریکارڈ بھی کیا گیا۔

ویڈیو کے اس ثبوت سے بن لادن کی موت پر شبہ پیدا کرنے اور سازشی تھیوریوں کو پھیلانے والوں کا کام تو مشکل ہو جائے گا تا ہم اس کے جاری کرنے میں ہِچکچاہٹ دکھائی جا رہی ہے کیونکہ بن لادن کے سر پر گولی لگنے سے اسکی باڈی کی حالت ہولناک اور دَہشَت انگیز ہے اور اس سے اسلامی دنیا میں امریکہ کے خلاف اشتعال پیدا ہونے کا امکان بھی ہے ۔

__________________