بڑھتی ہوئی مہنگائی پر اقتصادی رابطہ کمیٹی کا اظہارتشویش،وزیراعظم کی زیر صدارت کراچی میں اجلاس
کراچی ( اسٹاف رپورٹر) وزیراعظم یوسف رضا گیلانی کی زیر صدارت منگل کو ہونے والے اقتصادی رابطہ کمیٹی کے اجلاس میں ملک کی مجموعی اقتصادی صورتحال کا جائزہ لیا گیا اور اس توقع کا اظہار کیا گیا کہ موجودہ حکومت کی اقتصادی پالیسیوں کے باعث ملک کی معاشی صورتحال جلد درست سمت پر آجائے گی جو اندرونی و بیرونی عوامل کے باعث شدید طور پر متاثر ہوئی ہے۔ گورنر ہاؤس میں ہونے والے اجلاس میں اقتصادی رابطہ کمیٹی نے گوادر بندرگاہ کے ذریعہ گندم درآمد کرنے کی اصولی منظوری دی گئی جبکہ وزیراعظم سید یوسف رضا گیلانی نے وزارت صنعت و پیداوار کو ہدایت کی ہے کہ لوگوں کو معقول نرخوں پر بنیادی اشیاء کی فراہمی کیلئے ہر یونین کونسل میں یوٹیلٹی سٹور کھولا جائے۔ اقتصادی رابطہ کمیٹی کا اجلاس منگل کو یہاں منعقد ہوا جس کی صدارت وزیراعظم سید یوسف رضا گیلانی نے گی جو اندرونی و بیرونی عوامل کے باعث شدید طور پر متاثر ہوئی ہے۔ گورنر ہاؤس میں ہونے والے اجلاس میں اقتصادی رابطہ کمیٹی نے گوادر بندرگاہ کے ذریعہ گندم درآمد کرنے کی اصولی منظوری دی گئی جبکہ وزیراعظم سید یوسف رضا گیلانی نے وزارت صنعت و پیداوار کو ہدایت کی ہے کہ لوگوں کو معقول نرخوں پر بنیادی اشیاء کی فراہمی کیلئے ہر یونین کونسل میں یوٹیلٹی سٹور کھولا جائے۔ اقتصادی رابطہ کمیٹی کا اجلاس منگل کو یہاں منعقد ہوا جس کی صدارت وزیراعظم سید یوسف رضا گیلانی نے کی۔ اقتصادی رابطہ کمیٹی نے منظوری دی کہ خوراک کی قلت کا شکار علاقوں میں نجی شعبہ کی درآمد کے ساتھ گندم فراہم کی جائے گی تاکہ قیمتوں میں مساوات لائی جا سکے۔ وزیراعظم نے وزارت خوراک کو ہدایت کی کہ صوبائی حکومتوں کی مشاورت سے آٹے کی قیمتوں میں بہتری کیلئے فوری اقدامات کئے جائیں۔ پانی و بجلی کے وزیر، ڈپٹی چیئرمین پلاننگ کمیشن اور سیکرٹری پانی و بجلی نے حکومت کے اس عزم کا اعادہ کیا کہ آئندہ سال دسمبر کے بعد کوئی لوڈ شیڈنگ نہیں ہو گی کیونکہ انہوں نے پہلے ہی قومی گرڈ سٹیشن میں 3 ہزار میگاواٹ سے زائد بجلی اضافہ کرنے کیلئے تمام ضروری اقدامات کر لئے ہیں۔ سیکرٹری خزانہ نے اجلاس کو بتایا کہ غیر روایتی درآمدی اشیاء کی حوصلہ شکنی اور برآمدات میں اضافہ کیلئے اضافی اقدامات کے ذریعہ درآمدات اور برآمدات میں فرق کم کیا جائے گا۔ سیکرٹری خزانہ نے اجلاس کو بتایا کہ غیر ملکی ترسیلات 6 ارب ڈالر سے بڑھنے کی توقع ہے۔ اقتصادی رابطہ کمیٹی کو اس حقیقت کے بارے میں بتایا گیا کہ پٹرولیم مصنوعات، خوردنی تیل اور کھانے پینے کی اشیاء کی قیمتوں میں بے تحاشا اضافہ کے باعث افراط زر کی شرح بڑھی ہے۔ اقتصادی رابطہ کمیٹی نے پیٹرو کیمیکل کمپلیکس نیفتھا کریکر، پولی تھیلین اور پولی پروپلین میں سرمایہ کاری کیلئے مراعاتی پیکج کے حوالہ سے وزارت صنعت و پیداوار کی سمری کی بھی منظوری دی۔ اجلاس نے گوادر بندرگاہ کے ذریعہ گندم درآمد کرنے کی اصولی منظوری دی جس کیلئے بندرگاہ کے حکام کو یقین دہانی کرانا ہو گی کہ درآمدی گندم کی بڑی مقدار اتارنے کیلئے سہولیات موجود ہیں۔ اجلاس نے ملک میں ضروری اشیاء کی طلب اور رسد کی صورتحال کا بھی جائزہ لیا۔ اجلاس کو بتایا گیا کہ ملک میں چینی اور دالوں کے وافر ذخیرے موجود ہیں۔ وزیراعظم نے وزارت صنعت و پیداوار کو ہدایت کی کہ ہر یونین کونسل میں یوٹیلٹی سٹور کھولا جائے تاکہ لوگوں کو معقول نرخوں پر ضروری اشیاء فراہم کی جا سکیں ۔

__________________