کراچی (رپورٹ: جاوید رشید) بھارت میں تیل ڈیلرز ایسوسی ایشن اور وزارت پٹرولیم کے درمیان چھ ماہ سے چلنے والے تیل کی قیمتوں میں اضافے کے تنازع کو طے کرنے کیلئے منگل کے روز بھارتی وزیراعظم ڈاکٹر من موہن سنگھ نے کابینہ کے اجلاس میں تیل و پیٹرول پمپ ڈیلرز ایسوسی ایشن کے اس مطالبے کو یکسر مسترد کردیا ہے کہ تیل کے نرخ بڑھائے جائیں۔ وزارت پیٹرولیم کی جانب سے تیل ڈیلرز کی تجاویز کو کابینہ کے اجلاس میں رکھا گیا تھا۔ حکمراں پارٹی کے اتحادیوں نے بھی تیل کے دام بڑھانے کو مسترد کردیا ہے۔ کہا جارہا ہے کہ حکومت نے کہا ہے کہ ابھی تیل کی قیمت زیادہ ہے لیکن ہمیں کفایت سے کام لیتے ہوئے اپنے وسائل پر کنٹرول کرنا ہوگا۔ وزیراعظم نے کہا ہے کہ عالمی مارکیٹ میں سستا تیل فروخت کرنے والے ممالک سے وزارت پیٹرولیم نے رابطہ کیا ہوا ہے۔ حکومت کی کوشش ہے کہ عوام کو سستا تیل ملتا رہے۔ انہوں نے کہا ناگزیر حالات کے بعد تیل کی قیمت بڑھانے کے بارے میں سوچا جائے گا۔