6 نومبر 2010
لاہور (مانیٹرنگ ڈیسک)پاکستان نے بھارت کی جانب سے واہگہ بارڈر پر جارحانہ پریڈ کرنے کی بھارتی درخواست مسترد کردی ہے تاہم دونوں جانب کے پریڈ کمانڈرز دوران پریڈ ایک دوسرے کے ساتھ ہاتھ ملایا کریں گے۔ ترجمان پاک رینجرز ندیم رضا نے کہا کہ گزشتہ ہفتے ڈی جی رینجرز اور بی ایس ایف کمانڈر کے دورے کے موقع پر میڈیا کو بھارت کی جانب سے درخواست کے بارے بتایا گیا تھا لیکن میڈیا میں کچھ اس طرح سے سامنے آیا جیسے پاک رینجرز نے اپنا روائتی جارحا نہ اندازختم کردیا ہے۔ ایکسپریس نیوز سے بات کرتے ہوئے ترجمان رینجرز نے بتایا کہ بھارت کی جانب سے پریڈ کے دوران ہاتھ ملانے کرنے اور جارحانہ انداز میں پریڈ کرنے کا انداز ترک کرنے کی درخواست کی گئی تھی تاہم ہا تھ ملا نے کا عمل جو کہ غیر موثر ہوچکا تھا اسے بحال کرنے کی بھارتی درخواست قبول کر لی تھی مگر جارحانہ انداز ترک نہ کرنے کا فیصلہ کیا گیا۔

__________________
جاویداسد