|
بھارتی جاسوس گوپال داس رہا، 27 سال بعد گھر پہنچ گیا
08-04-11, 06:26 AM
لاہور، اٹاری (ایجنسیاں) بھارتی عدالت کی درخواست پر صدارتی معافی نامے کے بعد پاکستانی جیل میں قید بھارتی جاسوس گوپال داس کو کوٹ لکھپت جیل سے27 سال بعد رہا کرکے بھارتی حکام کے حوالے کردیا گیا۔  میڈیا رپورٹس کے مطابق 1984ء میں سیالکوٹ بارڈر کی خلاف ورزی کرتے ہوئے پاکستانی حدود میں داخل ہونے اور جاسوسی کے الزام میں گرفتار ہونے والے بھارتی جاسوس گوپال داس کو میانوالی اور ملتان کی جیلوں میں رکھنے کے بعد کوٹ لکھپت جیل منتقل کردیا گیا تھا ۔ رہائی کے موقع پر میڈیا سے گفتگو کرتے ہوئے گوپال داس کا کہنا تھا کہ رہائی پر خوشی محسوس کررہا ہوں دونوں ممالک میں قیدیوں کو رہا کرنا چاہیے پاکستانی جیل حکام نے اچھا سلوک کیا ہے ادھر سپریٹنڈنٹ جیل کے مطابق گوپال داس کو محکمہ داخلہ کی طرف سے احکامات ملنے پر رہا کیا گیا ہے۔ پاکستان کی قید سے رہائی پانے والا بھارتی شہری جمعرات کو اپنے گھر پہنچ گیا۔ یہ دو ایٹمی طاقتوں کے درمیان تناﺅ کی کیفیت کم ہونے کا اشارہ ہے۔ دونوں ممالک کے درمیان گزشتہ ماہ امن مذاکرات تعطل کے بعد دوبارہ شروع ہوئے۔ گوپال داس جس نے پاکستان میں کسی بھی بھارتی قیدی کی حیثیت سے سب سے لمبی سزا کاٹی ہے کو اٹاری میں اس کے رشتہ داروں نے خوش آمدید کیا جو دونوں ممالک کے درمیان رمینی راستہ ہے۔ صدر آصف زرداری نے بھارتی سپریم کورٹ کی درخواست پر گزشتہ ماہ کے آخر میں رہائی کے احکامات جاری کئے تھے۔ گوپاس داس نے رپورٹروں کو بتایا کہ 26 سال کی عمر میں وہ گرفتار ہوا، 1987ء میں اسے عمر قید کی سزا ہوئی اور اسے اس سال کے آخر میں رہائی ملنا تھی۔ پاکستان کے ایوان صدر کی طرف سے گوپال کو دی جانے والی سزا کے حوالے سے کچھ نہیں بتایا گیا لیکن داس نے خود جاسوسی کے باعث جیل جانے کی خبروں کی تصدیق کی۔ اس نے پاکستان کے صدر اور وزیراعظم کا جلد رہائی پر شکریہ ادا کیا۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,971 مراسلہ میں 8,223 بارشکریہ ادا کیا گیا
|
|
08-04-11, 06:26 AM
Linear Mode
Similar Threads
