نئی دہلی ... بھارت کے وزیراعظم من موہن سنگھ تین روزہ دورے پر چین کے دارالحکومت بیجنگ پہنچ گئے ہیں۔چینی حکام کے مطابق بھارتی صدر آج کسی سرکاری سرگرمی میں حصہ نہیں لیں گے ، وہ سفر کی تھکان دور کرنے کے علاوہ اولمپکس کھیلوں کے لئے تعمیر کردہ مقامات اور نمائش کا دورہ کریں گے۔بھارتی صدر پیر کو چین کے وزیراعظم وین جیا باؤ اور صدر ہوجن تاؤ سے ملاقات کریں گے ۔ملاقات میں دونوں ملکوں کے درمیان سرحدی تنازع اور تجارتی عدم توازن کم کرنے سمیت مختلف امور پر تبادلہ خیال کیا جائے گا ۔بھارتی وزیراعظم من موہن سنگھ کے ہمراہ وزیر تجارت کمال ناتھ سمیت بڑا تجارتی وفد بھی چین پہنچا ہے۔