بھارتی وزیراعظم کی زیرصدارت اہم اجلاس ، پاکستان کی صورتحال کا جائزہ



کراچی (رپورٹ:جاوید رشید) بھارتی دارالحکومت نئی دہلی میں پاکستان کے موجودہ داخلی حالات کے حوالے سے ایک خصوصی اجلاس وزیراعظم ہاؤس میں منعقد ہوا جس میں بھارتی وزیر خارجہ پرناب مکھرجی، وزیر داخلہ شیوراج پاٹل، وزیر دفاع اے کے انتھونی ، سینئر وزیر ارجن سنگھ، وزیر ریلوے لالو پرشاد یادیو، قومی سلامتی کے مشیر ایم کے نارائنن کے علاوہ کئی اور وزراء نے شرکت کی ۔ معلوم ہوا ہے کہ پرناب مکھرجی نے ڈیڑھ گھنٹے تک اجلاس میں شریک وزراء کو پاکستان کی نئی تبدیل شدہ صورتحال سے آگاہ کیا۔ وزیر خارجہ نے کہا کہ پاکستان کے تبدیل شدہ یا تبدیل ہونے والے حالات اور نئے آنے والے فیصلوں سے پاک بھارت تعلقات پر کوئی اثر نہیں پڑے گا۔ وزیر دفاع نے بتایا کہ ہماری اطلاع کے مطابق پاکستانی فوج کے سیٹ اپ میں تبدیلی کے بعد بھی سرحدوں پر کسی قسم کی کشیدگی کے امکان نہیں ہیں اور کشمیر کے حوالے سے پاکستان کے اہداف حاصل کرنے اور سابقہ کاموں کے حوالے سے طریقہ کار تبدیل ہونے کے امکانات بھی نہیں ہیں ۔