بھارتی ہائی کمشنر کا افطار عشائیہ: شرکاءکا سندھ کی صورتحال پر اظہار تاسف

**گلاب خان** · 19-08-11, 03:25 AM

صدر اور وزیراعظم کی نمائندگی ‘ خورشید شاہ کو وزیراعظم بنانے کی بات پر فاروق ستار کی ٹھنڈی آہ

اسلام آباد (فاروق اقدس‘ نامہ نگار خصوصی) بھارت پاکستان کے ساتھ باہمی تعلقات اور اعتماد کو فروغ دینے کا خواہاں ہے کیونکہ خطے میں دیرپا امن و استحکام کے لئے یہ انتہائی ضروری ہے جس کے لئے ہم پُرعزم ہیں اور یہ بات خوش آئند ہے کہ دونوں طرف سے اس سمت میں مثبت پیش رفت ہو رہی ہے۔ ان خیالات کا اظہار بھارتی ہائی کمشنر شرت سبھروال نے جمعرات کو دیئے گئے افطار ڈنر کے موقع پر ذرائع ابلاغ کے نمائندوں سے گفتگو کرتے ہوئے کیا۔ وفاقی دارالحکومت کے ایک ہوٹل میں ہونے والے اس افطار ڈنر میں حکومت کی بھرپور نمائندگی موجود تھی۔ جبکہ عوامی نیشنل پارٹی‘ ایم کیو ایم‘ پاکستان مسلم لیگ (ن) اور (ق) لیگ کے رہنماﺅں اور ارکان پارلیمنٹ کی بھی بڑی تعداد موجود تھی۔ وفاقی وزیر اطلاعات و نشریات ڈاکٹر فردوس عاشق اعوان‘ صدر آصف علی زرداری کی نمائندگی کر رہی تھیں۔ انہوں نے بطورخاص بھارتی ہائی کمشنر شرت سبھروال کو بتایا کہ صدر نے انہیں خصوصی ہدایت کی تھی۔ انہوں نے میزبان سے یہ بھی کہا کہ آپ کو معلوم ہی ہوگا کہ صدر کی نمائندگی کرنا کوئی آسان کام نہیں جس پر بھارتی ہائی کمشنر نے ان کا شکریہ ادا کیا۔ وزیر خزانہ ڈاکٹر عبدالحفیظ شیخ افطار ڈنر میں وزیراعظم یوسف رضا گیلانی کی نمائندگی کر رہے تھے۔ وفاقی وزیر سید خورشید شاہ ایم کیو ایم کے ڈاکٹر فاروق ستار اور مسلم لیگ(ق) کی نوشین سعید کے درمیان ایک موقعہ پر یہ دلچسپ مکالمہ بھی ہوا جب نوشین سعید نے ڈاکٹر فاروق ستار سے کہا کہ اگر خورشید شاہ صاحب کو وزیراعظم بنا دیا جائے تو مجھے یقین ہے کہ کراچی میں امن قائم ہوجائے گا۔ جس پر ڈاکٹر فاروق ستار نے ٹھنڈی آہ بھرتے ہوئے کہا کہ اگر آپ کی بات ٹھیک ہے تو اس کا مطلب ہے کہ خورشید شاہ کبھی وزیراعظم نہیں بن سکتے۔ فاروق ستار جنہوں نے اسلام آباد میں امریکی سفیر سے ملاقات کی تھی‘ ان سے جب اس ملاقات کے بارے میں استفسار کیا گیا تو انہوں نے کہا کہ ملاقات کا کوئی ایجنڈا نہیں تھا آپ اسے نجی معاملے کی ایک ملاقات کہہ سکتے ہیں۔ باقی موجودہ صورتحال کے مطابق آپ اس ملاقات کے حوالے سے کوئی چورن مصالحہ ڈالنا چاہتے ہیں تو آپ لوگوں کی مرضی۔ میں تو آپ کو نہیں روک سکتا۔ خورشید شاہ بعض غیرملکی شخصیات سمیت شرکاءکو کراچی کی صورتحال کے حوالے سے حکومتی موقف سے آگاہ کرنے کے ساتھ ساتھ ایم کیو ایم کے ساتھ ہونے والے مذاکرات کے بارے میں بتا رہے تھے جبکہ حکومتی ارکان کے ساتھ ساتھ اپوزیشن کے ارکان بھی ان کی طرف سے بھیجے جانے والی کھجوروں کے تحفے موصول ہونے پر ان کا شکریہ ادا کر رہے تھے جو خورشید شاہ ماہ صیام میں باقاعدگی سے دوستوں کو ارسال کرتے ہیں۔ افطار عشائیہ کے شرکاءکے درمیان کراچی کی صورتحال جہاں ایک ایک دن میں 30 افراد کی ہلاکت ہوئی پر اظہار تاسف کیا۔ افطار ڈنر میں سابق وزیر خارجہ گوہر ایوب خان‘ خورشید قصوری‘ وفاقی وزیر مخدوم امین فہیم‘ سینیٹ میں قائد ایوان نیئر حسین بخاری‘ رکن اسمبلی ہمایوں اختر‘ کشمالہ طارق‘ نوشین سعید‘ سابق سینیٹر انور بیگ‘ سندھ کے سابق گورنر ممنون حسین‘ سینیٹر اسحق ڈار‘ فخر امام‘ عابدہ حسین‘ بیگم سلمان تاثیر‘ سابق سینیٹر فصیح اقبال کے علاوہ کئی ریٹائرڈ عسکری شخصیات نے بھی شرکت کی۔

روزنامہ جنگ راولپنڈی

**نیلم خان** · 19-08-11, 06:41 AM

وہ سندھ کی صورتحال پر صرف اظہار تاسف ہی کر سکتے ہیں

19-08-11, 06:41 AM	#2
نیلم خان ذیلی ناظم تاریخ شمولیت: Aug 2009 مقام: Rawalpindi مراسلات: 11,904 کمائي: 561,119 شکریہ: 25,573 10,451 مراسلہ میں 38,591 بارشکریہ ادا کیا گیا	وہ سندھ کی صورتحال پر صرف اظہار تاسف ہی کر سکتے ہیں Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
خوبصورتی کی خواہش	محمدعمر	خبریں	0	21-12-09 06:24 PM
خوبصورت کشتی گھر	ابو عمار	دلچسپ اور عجیب	2	30-11-08 11:28 AM
پانی خوبصورتی کا راز	راجہ صاحب	فیشن اور بیوٹی ٹپس	0	25-07-08 09:45 AM
شہنشاہ اکبر اعظم کے مقبرہ کی اصل خوبصورتی کی بحالی کیلئے سروے	Real_Light	خبریں	2	06-06-08 07:26 PM
عدالتی بحران کا حل:ق لیگ کی درمیانی راہ نکالنے کی منصوبہ بندی	عبدالقدوس	خبریں	0	15-12-07 07:56 AM

Currently Active Users Viewing This Thread: 1 (0 members and 1 guests)