نئی دہلی........... بھارتی ریاست چھتیس گڑھ میں حکام نے ماؤ نواز باغیوں کے علاقوں میں ڈیوٹی سے انکار کرنے والے 17 پولیس اہلکاروں کو نوکری سے برطرف کردیا۔ بھارت کی شمالی اور مشرقی ریاستوں میں ماؤ نواز باغیوں کے زیر تسلط علاقوں میں پولیس فورس کی جانب سے فرائض سے انکار کے رجحان میں مسلسل اضافہ ہورہا ہے۔ ریاست چھتیس گڑھ کے پولیس حکام نے اس سلسلے میں فرائض کی ادائیگی سے انکار کرنے والے 17 پولیس اہلکاروں کو نوکری سے برطرف کردیا ہے ان میں 4 سینئر اور 13جونیئر افسران شامل ہیں۔