بھارت آٹھ نئے برقی نیوکلیئر پلانٹ لگائے گا
بھارت نے اپنی نیوکلیئر برقی تیاریوں میں اضافے کے لیے آٹھ نیوکلیئر برقی پلانٹ لگانے کا منصوبہ بنایا ہے۔
اِن بجلی گھروں میں سے ہر ایک میں700میگاواٹ برقی روکی تیاری کی صلاحیت ہوگی۔
بھارتی اٹامک انرجی کمیشن کے ایک عہدے دار نے بنگلور میں بتایا کہ بھارت کی موجودہ نیوکلیئر پاور جنریشن صلاحیت 4000میگاواٹ تک ہے اور نیوکلیئر ری ایکٹر کو یورینیم کی کمی کا سامنا ہے، جس کا سبب موجودہ پلانٹ کے اپنی صلاحیت سے 50فی صد کم برقی رو تیار کرنا ہے۔
بھارت۔امریکہ نیوکلیئر معاہدے کی تکمیل کی صورت میں بھارت کو دوسرے ممالک سے یورینیم حاصل کرنا ہوگا۔
عہدے دار نے بتایا کہ آٹھ نئے پلانٹ کے ذریعے نیوکلیئر برقی تیاریوں کی صلاحیت کو 10،000میگاواٹ کرنے کا منصوبہ ہے۔
بھارت اندرونِ ملک نئی کانوں کی کھدائی کے ذریعے یورینیم کے ذخائر کا پتا چلانے کامنصوبہ رکھتا ہے۔ اسی دوران، اٹامک انرجی ریسرچ کے ڈائریکٹر سری کمار نے بتایا ہے کہ کرناٹک اور راجستھان میں یورینیم کے ذخائر کی کھوج کی جا سکتی ہے۔
اُنہوں نے بتایا کہ 700میگاواٹ کی صلاحیت والے آٹھ ری ایکٹر کے قیام سے 5600میگاواٹ برقی کا اضافہ ہوگا۔
اُنہوں نے کہا کہ نیوکلیئر برقی کی تیاری کو 10،000میگاواٹ سے زائد کرنے کے لیے بھارت کو دوسرے ممالک سے یورینیم حاصل کر ناپڑے گا۔
26-07-08, 05:18 PM
26-07-08, 05:18 PM
Linear Mode
Similar Threads
