بھارت: مہنگائی کیخلاف عوامی ردعمل میں اضافہ، اپوزیشن کا کانگریس پر دباؤ
کراچی (رپورٹ … جاوید رشید) بھارت میں مہنگائی کے بڑھتے ہوئے طوفان پر عوامی ردعمل میں روزبروز اضافہ ہو رہا ہے اور حکمران جماعت کانگریس پر اپوزیشن کی جانب سے مہنگائی کو کنٹرول کیلئے دباؤ بڑھ رہا ہے ہفتے کے روز مہنگائی کے سبب بگڑے حالات کو کنٹرول کرنے کے حوالے سے وزیراعظم ڈاکٹر من موہن سنگھ کی صدارت میں ایک اجلاس ہوا ہے کہا جا رہا ہے کہ سرکار نے پورے ملک میں عوام کو سستے داموں اشیاء دیں ہیں خصوصاً ان میں چاول، سبزیاں، آٹا، تیل اور گھی شامل ہیں عوام تک پہنچانے کے لئے ساٹھ لاکھ سے زائد موبائل اسٹال پیر کے روز سے لگانے کی منظوری دیدی ہے اور اس سلسلے میں مرکزی سرکار نے موبائل اسٹالوں کے لئے 67 کروڑ روپے بھی فوری طور سے محکمہ خوراک وتجارت کو مہیا کر دیئے ہیں تمام ریاستی وزرائے اعلیٰ اپنی اپنی ریاستوں میں سستے اسٹالوں کی اشیاء کی نگرانی کریں گے۔

__________________