بھارت میں ٹریفک حادثہ ‘ 10 ہلاک‘ 18 زخمی
شملہ ……بھارت کی ریاست ہماچل پردیش میں ٹریفک حادثہ سے 10 افاد ہلاک اور 18 زخمی ہو گئے ہیں۔ ایک بھارتی خبر رساں ادارے کی رپورٹ کے مطابق ایک مسافروین ہماچل پردیش کے ضلع منڈی میں گہری کھائی میں جا گری جس کے نتیجے میں 10 مسافر ہلاک اور 18 زخمی ہو گئے۔رپورٹ کے مطابق حادثہ کا شکار ہونے والے لوگ اپنے ایک عزیز کی سالگرہ کی تقریب میں شرکت کے بعد واپس آرہے تھے کہ ان کی گاڑی ضلع منڈی میں جوگندر نگر کے قریب گہری کھائی میں گر گئی جس سے 10 مسافر موقع پر ہی ہلاک ہوگئے۔ زخمیوں کو مقامی ہسپتال میں داخل کرا دیا گیا ہے جبکہ بعض زخمیوں کی حالت نازک بتائی جاتی ہے جس کے باعث ہلاکتوں میں اضافہ کا امکان ہے۔
٭٭٭٭٭٭٭٭٭٭