بھارت نے’ائرشو‘میں پاکستان،چین اور ایران کو مدعو نہیں کیا،رپورٹ
نئی دہلی…فارن ڈیسک…خطے کے سب سے بڑے ائیر شو ’ ایروانڈیا2011‘ میں بھارت نے پاکستان سمیت چین اور ایران کو مدعو نہیں کیا۔ بھارتی اخبار’ٹائمز آف انڈیا‘ کے مطابق آئندہ ہفتے بنگلور میں شروع ہونے والے اس ائیر شو میں60ممالک شرکت کریں گے۔ بھارت کے ملٹری فنکشنز میں مدعوین کی فہرست میں پاکستان کو نہیں رکھا جاتا۔بھارت کے ایران کے ساتھ بھی دفاعی تعلقات محدود ہیں اس کے ساتھ چین کے ساتھ اس وقت سے تمام دفاعی معاملات تعطل کا شکار ہیں جب سے اس وقت کے شمالی فوجی کمانڈ کے سربراہبھارتی لیفٹنینٹ جنرل بی ایس جسوال کو بیجنگ نے ویزہ دینے سے انکار کردیا تھا۔ بھارت نے نہ صرف چین کو دعوت نہیں دی بلکہ چینی صحافیوں کو بھی ائیر شو کی کوریج سے روک دیا ہے اس میلے میں380غیر ملکی کمپنیاں اپنے ہتھیاروں کی نمائش کریں گی۔

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات