کراچی(رپورٹ:جاوید رشید) ممبئی فلم نگر کے نامور فلم ساز و ہدایت کار یش چوپڑا کو فلم نگر کے انڈرورلڈ کی جانب سے ملنے والی بھتہ کی دھمکیوں کے بعد جمعہ کے روز گورے گاؤں فلم نگر میں فلم نگر کو چاٹنے والے دیمک انڈرورلڈ کے خلاف اعلان جہاد کر کے انڈرورلڈ کی سرگرمیوں کے خلاف دو فلمیں بھتہ اور دھمکی بنانے کا اعلان کر دیا ہے۔ نامور اداکار ونود کھنہ کی کمان میں یش چوپڑا نے پوری فلم انڈسٹری سے کہا ہے کہ وہ روز روز کی تکالیف سے بچنے کے لیے انڈرورلڈ کے خلاف سینہ سپر ہو جائیں۔ انہوں نے کہا فلم نگر والوں نے اگر ایسا نہ کیا تو یہ دیمک آہستہ آہستہ فلم نگر کو تباہ کر دے گا۔یش چوپڑا سے انڈرورلڈ کے رویہ پر بالی وڈ کے نامورہدایت کار مہیش بھٹ نے پرزور مذمت کی۔بھٹ کے پی ایس نے ”جنگ“ کو بتایا کہ مہیش جی نے انڈرورلڈ کے خلاف نمایاں کام کیا ہے جس کی وجہ سے انڈر ورلڈ مافیا، بالی وڈ اور گورے گاؤں فلم نگر کو یرغمال نہیں بنا سکی ہے۔
جنگ

__________________
لا فتی الا علیّ لا سیف الاّ ذوالفقار