آخری وقت اشاعت: بدھ 14 دسمبر 2011 ,‭ 20:11 GMT 01:11 PST


بلیجیئن وزیراعظم الیو ڈی روپو نے اس حملے کو ’خوفناک‘ قرار دیا ہے۔

بیلجیم کے مرکزی شہر لےایش میں ایک مسلح شخص کی فائرنگ سے کم از کم تین افراد ہلاک اور پچھہتر زخمی ہوگئے ہیں۔

اطلاعات کے مطابق حملہ آور نے ایک پرہجوم چوک میں دستی بم پھینکے اور پھر خود کو گولی مار لی۔

مرنے والوں میں پندرہ اور سترہ سالہ دو لڑکے اور ایک پچھہتر سالہ خاتون شامل ہیں۔

طبی ذرائع نے ایک بچی سمیت مزید دو افراد کی ہلاکت کی خبریں بھی دی ہیں لیکن ان اطلاعات کی تصدیق نہیں ہو سکی۔

بیلجیئم پولیس کے مطابق حملہ آور کا نام نورڈین امرانی ہے اور پولیس کے پاس اس تینتیس سالہ شخص کے بارے میں پہلے بھی اسلحہ رکھنے کے سلسلے میں معلومات ہیں۔

ذرائع ابلاغ کے مطابق امرانی کو ستمبر سنہ 2008 میں اسلحہ اور منشیات رکھنے کے جرم میں اٹھاون ماہ کے لیے جیل بھیجا گیا تھا۔ حکام نے ان اطلاعات کی تصدیق نہیں کی تاہم ان کا کہنا ہے کہ امرانی جیل میں رہ چکا ہے۔

حکام کا کہنا ہے کہ حملہ آور نے یہ کارروائی تنہا انجام دی اور یہ دہشتگردی کی کارروائی نہیں۔

بلیجیئن وزیراعظم الیو ڈی روپو نے اس حملے کو ’خوفناک‘ قرار دیا ہے۔ ان کا کہنا ہے کہ اس سانحے کو بیان کرنے کے لیے ان کے پاس الفاظ نہیں ہیں۔

ان کا یہ بھی کہنا تھا کہ پورا ملک متاثرہ خاندانوں کے دکھ میں برابر کا شریک ہے

ح

__________________