کراچی (ٹی وی رپورٹ) سابق وزیراعظم بے نظیر بھٹو کی شہادت کے حوالے سے تفتیش کاروں کو ایک ملزم کے بارے میں اہم شواہد مل گئے ہیں جس کے بعد صوبہ سرحد کے علاقے صوابی میں اس شخص کی مبینہ رہائش گاہ پر چھاپہ بھی مارا گیا ہے۔ ذرائع کے مطابق حملے کے وقت بننے والی ویڈیو فلم میں مذکورہ حملہ آور واضح نظر آ رہا ہے۔ ذرائع نے بتایا کہ اس چھاپے کے دوران کچھ گرفتاریوں کی بھی اطلاعات ہیں۔ ذرائع کے مطابق کچھ تحریری شواہد بھی ملے ہیں جبکہ تفتیش کاروں کا کہنا ہے کہ حملہ آور خود بھی مارا جا چکا ہے۔