بینظیر بھٹو کے کسی بھی بیان پر کوئی تبصرہ نہیں کیا، سی سی پی او کراچی

کیپٹل سٹی پولیس آفیسر کراچی اظہر علی فاروقی نے سی سی پی او کراچی کے حوالے سے شائع ہونے والی ایک خبر جس کی سرخی میں کہا گیا ہے کہ ”بے نظیر کی تنقید سے پیش رفت متاثر ہوگی“ کی وضاحت کرتے ہوئے کہا ہے کہ انہوں نے کسی ملکی یا غیر ملکی خبررساں ادارے کے نمائندے یا صحافی سے گفتگو کرتے ہوئے ایسی کوئی بات نہیں کی جس میں محترمہ بے نظیر بھٹو کے کسی بیان پر تبصرہ کیا گیا ہو چنانچہ ان کے حوالے سے یہ بات بالکل غلط طور پر منسوب کرکے شائع کی گئی ہے۔ سی سی پی او کراچی اظہر علی فاروقی نے کہا ہے کہ صحافی ان سے مسلسل رابطہ کرتے رہتے ہیں اور وہ صحافیوں کی جانب سے کئے جانے والے سوالات کے جواب میں اپنے پیشہ ورانہ فرائض پر گفتگو کرتے رہتے ہیں لیکن بینظیر بھٹو یا کسی بھی دیگر رہنما کے حوالے سے ان کی جانب سے کسی ایسی بات کو منسوب کرنا جو انہوں نے کبھی نہیں کہی قابل افسوس ہے۔

بشکریہ
جنگ

__________________