|
بینظیر قتل کیس تفتیشی ٹیم گرفتار پولیس افسروں سے معلومات حاصل نہیں کر سکی
27-12-10, 04:11 AM
اسلام آباد (ایوب ناصر خصوصی نامہ نگار) محترمہ بینظیر بھٹو قتل کیس کی تفتیش پر مامور جے آئی ٹی ڈی آئی جی سعود عزیز اور ایس پی خرم شہزاد سے ابھی تک ایسی کوئی معلومات حاصل کرنے میں کامیاب نہیں ہو سکی جو گرفتار پولیس افسروں کی بدنیتی کو ثابت کرتی ہو۔ ذرائع کا کہنا ہے کہ تفتیشی ٹیم آج تک یہ بھی ثابت نہیں کر سکی کہ دہشت گردی کے خدشات موجود ہونے کے باوجود پاکستان پیپلز پارٹی کی چیئرپرسن کو گاڑی سے باہر نکلنے کا مشورہ کس نے دیا؟ اور بینظیر بھٹو کے سیکورٹی افسر میجر امتیاز احمد اپنے فرائض ادا کرنے میں کیوں ناکام رہے۔ ذرائع کا کہنا ہے کہ بینظیر شہید کی بلٹ پروف گاڑی کو چلانے والے ڈرائیور سے بھی پوچھ گچھ کا کوئی بیان سامنے نہیں آیا جبکہ میجر امتیاز کا تو بیان تک لینے کی ضرورت ہی شاید محسوس نہیں کی گئی بلکہ انہیں ترقی دے کر ڈی آئی جی بنا دیا گیا ہے تجزیہ کار اس بات پر حیران ہیں کہ آخر پیپلز پارٹی کر کمیٹی کے 3مئی 2010ءکے فیصلے پر عملدرآمد کیوں نہیں کیا گیا اور اس میں کیا رکاوٹ ہے صدر زرداری اور وزیر اعظم سید یوسف رضا گیلانی کی مشترکہ زیر صدارت اجلاس میں فیصلہ کیا گیا تھا کہ سابق صدر پرویز مشرف سمیت ان تمام وفاقی وزراءکو شامل تفتیش کیا جائے گا جو بینظیر بھٹو کی شہادت کے وقت ان کے قافلے میں شامل گاڑیوں میں سوار تھے ان میں وفاقی وزیر داخلہ رحمن ملک اور وفاقی وزیر قانون و پارلیمانی ڈاکٹر بابر اعوان سینٹ قائد ایوان نیئر بخاری اور پروٹو کول آفیسر چوہدری اسلم ایڈووکیٹ بھی شامل تھے۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,971 مراسلہ میں 8,223 بارشکریہ ادا کیا گیا
|
|
27-12-10, 04:11 AM
Linear Mode
Similar Threads
