وزیر اعلیٰ سندھ ڈاکٹر ارباب غلام رحیم کے ترجمان نے ایک بیان میں کہا ہے کہ پیپلزپارٹی کی سربراہ بے نظیر بھٹو نے وزیر اعلیٰ سندھ کے متعلق جو ریمارکس دیے ہیں کہ وہ ارباب رحیم کو نہیں جانتی تو اس کا سبب شاید یہ ہے کہ وہ آج کل وزٹ ویزا پر پاکستان آئی ہیں اور وہ ایک طویل عرصہ بیرون ملاک میں رہائش پذیر رہی ہیں اس لیے وہ پاکستان کے لوگوں کو نہیں جانتی لیکن جب ان کو مستقل رہائشی ویزا مل گیا تو وہ ڈاکٹر ارباب غلام رحیم کو جان جائیں گی۔ ترجمان نے کہا کہ اس سے پتہ چلتا ہے کہ پیپزپارٹی کی گزشتہ بلدیاتی انتخاب میں شکست نے بھی ان کی یادداشت کو نقصان پہنچایا ہے انشاء اللہ آنے والے عام انتخابات میں پیپلزپارٹی کو پتہ چل جائے گا کہ ارباب غلام رحیم کون ہیں۔

__________________