کراچی (اسٹاف رپورٹر) حکومت نے پاکستان پیپلزپارٹی کی چیئرپرسن محترمہ بینظیربھٹو کی سیکورٹی میں کمی کردی۔ ذرائع کے مطابق حکومت نے محترمہ بینظیربھٹو کی سیکورٹی پر مامور پولیس گارڈز کی تعداد نصف کردی ہے جبکہ ان کی پائلٹ ڈیوٹی پر مامور اہلکاروں کو ہٹادیا گیا ہے۔ ذرائع کے مطابق اس سلسلے میں پیپلزپارٹی کے رہنما رحمن ملک نے سیکریٹری داخلہ کو ایک خط تحریر کیا ہے جس میں ان سے پوچھا گیا ہے کہ انہیں آگاہ کیا جائے کہ محترمہ بینظیربھٹو کی زندگی کو لاحق خطرات کم ہوگئے ہیں یا کوئی اور وجہ ہے جس کی بناء پر حکومت نے محترمہ کی سیکورٹی کو کم کیا ہے۔

__________________