بینظیر کی شہادت پر پرنس آغا خان کا زرداری کے نام تعزیتی خط
اسلام آباد (جنگ نیوز)اسماعیلی فرقے کے روحانی پیشوا آغا خان نے سینیٹر آصف علی زرداری سے انکی بیوی محترمہ بے نظیر بھٹو کی شہادت پر تعزیت کا اظہار کیا ہے۔ آصف علی زرداری کے نام تعزیتی خط میں آغا خان نے کہا کہ مجھے یہ سن پر دکھ ہوا کہ محترمہ ناگہانی حالات میں وفات پا گئی ہیں، آپ سے اور آپ کی فیملی سے بھرپور تعزیت کا اظہار کرتا ہوں۔ انہوں نے کہا کہ محترمہ نے اپنی خاندانی روایت کی طرح اپنے ملک کی ترقی و خوشحالی کیلئے اپنی زندگی کو پاکستانی عوام کیلئے وقف کیا۔ انہوں نے مزید کہا کہ اس مشکل وقت میں میری دعائیں آپ اور آپ کی فیملی کے ساتھ ہیں اور پاکستان کی ترقی کیلئے دعا گو ہوں۔

__________________