ریاض (نمائندہ جنگ) پاکستان مسلم لیگ (ن) کے سربراہ میاں نواز شریف نے کہا ہے کہ اس وقت پاکستان کا بنیادی مسئلہ انتخابات نہیں بلکہ دہشت گردی کا خاتمہ ہے۔ دہشت گردی کے اصل محرکات کو جانے بغیر اس کا تدارک ممکن نہیں ہے۔ دہشت گردی میں بے گناہ لوگ مارے جارہے ہیں۔ ان دہشت گردی کی ہلاکتوں کا جواب صدر جنرل پرویز مشرف کو دینا ہو گا۔ ان خیالات کا اظہار انہوں نے خادم حسین کی سربراہی وفد سے ملاقات میں کیا۔ انہوں نے کہا کہ ملک کی بقا سالمیت کے لیے بے نظیر بھٹو کی طرح دیگر جلا وطن سیاسی لیڈروں کو بھی وطن واپس آنے دیا جائے اور ملک کے اندر بحالی جمہوریت کے راستے میں فوجی آمروں کی رکاوٹ کو دور کیا جائے۔ انہوں نے کہا کہ مجھے افسوس ہے کہ میری پاکستان آمد پر مسلم لیگ کی قیادت نے میرا بھرپور استقبال نہیں کیا جس کا مجھے دلی افسوس ہے۔ میں انشا اللہ ماہ نومبر میں دوبارہ پاکستان جاؤں گا اور سعودی قیادت کو اعتماد لے لیا گیا ہے۔ انہوں نے کہا کہ صدر مشرف نے قومی مفاہمتی آرڈیننس ذاتی مفاد کے لیے جاری کیا ہے۔ اس آرڈیننس سے ملک وقوم کو ہر گز کچھ حاصل نہیں ہو گا اور نہ ہی عام لوگوں کے مفاد میں ہے۔

__________________