12 نومبر 2010
واشنگٹن(نیٹ نیوز)امریکی پولیٹیکل سٹریٹیجسٹ ڈواین بوغمین نے بے نظیر اور بھٹو فیملی پر فلم بنا کر اپنے فلم کیئرئر کا آغاز کیا ہے۔ نیوز چینل الجزیرہ کی انٹرٹینمنٹ شعبہ کی سربراہ امانڈا پالمر نے اس فلم کے متعلق کہا بھٹو خاندان امریکہ میں کینڈی خاندان جیسا ہے مگر بھٹو خاندان میں زیادہ ڈراما اور زیادہ ٹریجڈی ہے ۔ فلمساز نے دعویٰ کیا ہے اس فلم ہسٹری میں سب سے زیادہ بجٹ دو لاکھ پچاس ہزار ڈالر دستاویزی مواد حاصل کرنے پر صرف کیا ہے اور ملٹری ڈکٹیٹرز کے ادوار کی اہم فلم فوٹیج حاصل کرکے فلم میں استعمال کی ہیں۔ فلم کے ڈائریکٹر جانی اوہارا نے کہا ہے بے نظیر بھٹو نے جو کسی اسلامی ملک کی سب سے پہلی سربراہ بنی تھیں اور انہوں نے عالم اسلام کے پولیٹیکل لینڈ سکیپ کو ہمیشہ کے لئے تبدیل کر کے رکھ دیا۔

__________________
جاویداسد