مرکزی تقریب میں صدر زرداری وزیراعظم گیلانی اور پارٹی کی اعلیٰ قیادت شرکت کریگی قرآن خوانی ہو گی اور قبر پرپھول چڑھائے جائینگے
راولپنڈی لیاقت باغ میں بینظیرکی جائے شہادت کو عرق گلاب سے غسل دیا گیا اور چراغ روشن کئے گئے آج جلسہ عام ہو گا
راولپنڈی (اپنے رپورٹر سے) سابق وزیراعظم و پیپلز پارٹی کی چیئرپرسن شہید محترمہ بے نظیر بھٹو کی تیسری برسی آج پیر کو عقیدت و احترام سے منائی جائے گی۔ پورے ملک میں تقریبات منعقد ہوں گی جن میں وزرائ‘ ارکان اسمبلی اور پارٹی رہنما بے نظیر بھٹو کی قومی خدمات کو زبردست خراج تحسین پیش کریں گے اس موقع پر ان کے روح کے ایصال ثواب کے لئے قرآن خوانی ہوگی۔ مرکزی تقریب گڑھی خدا بخش میں منعقد ہوگی جس میں صدر آصف زرداری وزیراعظم یوسف رضا گیلانی کے علاوہ پارٹی کی اعلیٰ قیادت کثیر تعداد میں شرکت کرے گی اور قبر پر حاضری دیں گے پھول چڑھائیں گے اور دعائیں مانگی جائیں گی۔ مرکزی تقریب میں شرکت کیلئے ملک بھر سے قافلوں کی گڑھی خدا بخش آمد جاری ہے۔ شہید محترمہ بے نظیر بھٹو کی جائے شہادت پر آج پیر کو پارٹی کارکنوں اور رہنماﺅں کی بڑی تعداد مےں آمد ہوگی اور دن دو بجے قرآن خوانی اور دعا کا اہتمام کیا جائے گا۔ اتوار کی شام کو لیاقت باغ میں بے نظیر بھٹو کی جائے شہادت کو عرقِ گلاب سے غسل دیا گیا۔ پیپلز پارٹی کے صدر عامر فداپراچہ‘ قاضی سلطان محمود‘ راجہ شوکت عباسی‘ راجہ خالد‘ شجاعت حیدر‘ نوید کنول‘ طارق وحید بٹ‘ خواجہ امتیاز‘ بنارس چوہدری‘ کریم کامران‘ ماجد خان‘ سردار قدوس‘ توقیر عباسی‘ راجہ عمار مہدی‘ خرم کیانی اور دیگر کارکنوں نے جائے شہادت کو غسل دیا‘ بعد ازاں چراغ روشن کئے گئے۔ پیر کو جائے شہادت پر پیپلز پارٹی راولپنڈی کے زیراہتمام ایک جلسہ عام ہوگا جس کا آغاز ایک بجے ہوگا۔ جلسہ عام سے ایم ڈی بیت المال زمرد خان‘ راجہ پرویز اشرف‘ بابر اعوان‘ نیئر حسین بخاری‘ فوزیہ حبیب‘ فرزانہ راجہ‘ راجہ شوکت عباسی‘ عامر فدا پراچہ‘ قاضی سلطان محمود‘ راجہ خالد‘ مرتضیٰ ستی‘ کرنل (ر) شبیر اعوان‘ رشید میر اور دیگر خطاب کریں گے۔ جلسے کے اختتام پر فاتحہ خوانی ہوگی جس کے بعد بھٹو لنگر تقسیم ہوگا۔ دریں اثناءپاکستان پیپلز پارٹی کے رہنماﺅں سردار سلیم کے زیراہتمام بھی لیاقت باغ میں برسی کی تقریب ہوگی جس کے مہمان خصوصی ناہید خان اور ڈاکٹر صفدر عباسی ہوں گے۔ ملک مظہر حسین‘ ابن رضوی‘ ملک مصطفی اعوان‘ سردار ناصر‘ راجہ وقار‘ چوہدری تاج‘ اقبال رزاق بٹ اور دیگر نے اعلان کیا کہ لیاقت باغ جائے شہادت پر صبح 10بجے قرآن خوانی ہوگی ساڑھے گیارہ بجے دعا ہوگی۔
روزنامہ جنگ راولپنڈی
27-12-10, 03:44 AM
27-12-10, 03:44 AM
Linear Mode
Similar Threads
