تازہ ترین ::::جنوبی وزیرستان پر امریکہ کا ایک اور حملہ، 6 افراد جاں‌بحق
وانا:جنوبی وزیرستان کے علاقے لدھا میں امریکی جاسوس طیاروں نے میزائل حملہ کیا ہے، جس کے باعث6 افراد جاں‌بحق جبکہ 5 کے زخمی ہو نے کی اطلاع ہے۔ ذرائع کے مطابق دو امریکی جاسوس طیاروں نے جنوبی وزیرستان کے علاقے لدھا میں سام نامی علاقے میں ایک گھر پر دو میزائل فائر کیے، مقامی لوگوں کے مطابق لدھا کا علاقہ تحریک طالبان پاکستان کے سربراہ بیت اللہ محسود کا مضبوط گڑھ ہے اور اس علاقے کو پہلی دفعہ امریکی حملوں نے نشانہ بنایا ہے۔ جبکہ بی بی سے کے مطابق جنوبی وزیرستان کی تحصیل لدھا میں افغانستان سے داغے گئے میزائل ایک گھر پرگرے ہیں جس سے پانچ افراد کے جاں بحق ہونے کی اطلاع ہے۔ جہاں یہ میزائل داغے گئے ہیں وہ مقامی طالبان کمانڈر بیت اللہ محسود کا علاقہ تصور کیا جاتا ہے۔ مقامی لوگوں کا کہنا ہے کہ یہ میزائل غازی مرجان اور ڈاکٹر بشار کے گھر پر گرے۔مقامی لوگوں کے مطابق ہلاک ہونے والے پانچ افراد میں ایک غیر ملکی بھی شامل ہے جبکہ ایک مقامی قبائلی نے بتایا کہ اس حملے میں ایک شخص ہلاک ہوا ہے۔
---------------------------