بلوچستان کے ضلع خضدار میں نامعلوم افراد نے پولیس تھانے پر دستی بم پھینک دیاجس کے نتیجے میں متعدد گاڑیوں کو نقصان پہنچا

پولیس کے مطابق خضدار شہر کے جناح روڈ پر واقع سٹی تھانے پر افطاری کے وقت نامعلوم افراد نے دستی بم پھینک دیا جوتھانے کے صحن میں زور دار دھماکے سے پھٹ گیا جس کے باعث تھانے کے شیشے ٹوٹ گئے دھماکے کی آواز اتنی زور دار تھی کہ دور دورتک سنائی گئی لوگوں میں خوف وہراس پھیل گیا -پولیس کے مطابق دھماکے کے نتیجے میں تھانے میں کھڑی دو گاڑیوں کو نقصان پہنچا جبکہ کسی جانی نقصان کی اطلاع نہیں ملی -ملزمان فرار ہونے میں کامیاب ہوگئے جبکہ پولیس نے علاقے کو گھیرے میں لیکر ملزمان کی تلاش شروع کردی ہے