تحریک انصاف کا پارلیمنٹ ہاوس کے سامنے دھرنا

**گلاب خان** · 07-08-11, 03:03 AM

اسلام آباد، راولپنڈی (خبرنگار، سٹاف رپورٹر) چیئرمین پاکستان تحریک انصاف عمران خان نے کہا ہے کہ ظلم اور ناانصافی کو ختم کرنا بھی عبادت ہے۔ ہمارے حکمران کسی اور کے ایجنڈے پر اپنے ملک کے خلاف جنگ لڑ رہے ہیں۔ موجودہ صدر ملک کا سب سے بڑا ڈاکو ہے۔ حکومت ناکام ہو گئی۔ ملک میں لاقانونیت کا دور دورہ ہے۔ جمہوریت کو سب سے بڑا خطرہ لٹیرے سیاستدانوں سے ہے۔ سپریم کورٹ روشنی کی کرن ہے۔ چھ ماہ میں کراچی میں ڈیڑھ ہزار لوگ مارے گئے لیکن حکمران مجرموں کو تحفظ دے رہے ہیں۔ ملک میں جلد تبدیلی آنے والی ہے۔ عوامی ریلے کا مقابلہ نہ تو زرداری بیماری کر سکتا ہے اور نہ ہی رائیونڈ کے سرکس کا شیر۔ ہم ملک کو قائداعظم کا پاکستان بنانے نکلے ہیں اور اسے غلامی سے نجات دلا کر اسے اپنے پاوں پر کھڑا کرنا چاہتے ہیں۔ آئندہ ہفتے 13 اگست کی رات چوروں اور ڈاکووں سے آزادی کی رات ہو گی۔ ان خیالات کا اظہار انہوں نے ہفتہ وار اتوار کی درمیانی شب پارلیمنٹ ہاوس کے سامنے ڈی چوک میں ”حکومت ہٹاو ملک بچاو“ مہم کے سلسلہ میں دھرنے کے موقع پر بڑے مجمع سے خطاب کرتے ہوئے کیا۔ انہوں نے کہا کہ تحریک انصاف کے لیڈروں کا پیسہ موجودہ حکمرانوں کی طرح ملک سے باہر نہیں۔ انہوں نے کہا کہ میں چیف جسٹس آف پاکستان افتخار چوہدری کو پیغام دینا چاہتا ہوں کہ پوری قوم ان کے پیچھے کھڑی ہے۔ سپریم کورٹ کے احکامات نہ ماننے والے حکمرانوں کے خلاف توہین عدالت کی کارروائی کی جائے۔ اسمبلیوں میں قبضہ گروپ بیٹھے ہیں۔ 18 ویں ترمیم کے ذریعے ججز کے انتخاب کے لئے بنائی گئی پارلیمانی کمیٹی کے سربراہ ملک کا سب سے بڑا قبضہ گروپ ہے۔ عمران خان نے اپنے خطاب میں اعلان کیا کہ پاکستان تحریک انصاف آئندہ ہفتے دھرنے کے موقع پر پاکستان کو بچانے کے انقلابی پروگرام پیش کرے گی۔ ایک دن آئے گا جب ہرے پاسپورٹ کی پوری دنیا میں عزت ہو گی اور دوسرے ممالک سے لوگ پاکستان میں نوکریاں ڈھونڈنے آئیں گے۔ صرف تحریک انصاف ہی ملک کو امریکی غلامی سے نکال سکتا ہے۔ اس موقع پر سابق بیورو کریٹ روئیداد خان نے کہا کہ زرداری اور گیلانی دونوں کرپٹ ہیں اور وہ ملک میں لوٹ مار کی سیاست کر رہے ہیں۔ ملک میں نہ بجلی نہ پانی نہ چینی نہ گیس اور نہ ہی قانون نام کی کوئی چیز ہے۔ کسی کی بھی عزت محفوظ نہیں۔ امریکہ سے ایک بلین ڈالر لے کر حکومت فوج کے ذریعے آفریدی اور محسود کے خلاف لڑ رہے ہیں جنہوں نے پاکستان بنانے میں بڑا کردار ادا کیا۔ دھرنے سے تحریک انصاف کے مرکزی رہنما اکبر ایس بابر، تحریک انصاف اسلام آباد کے ضلعی صدر عامر مغل، انصاف سٹوڈنٹس فیڈریشن کے صدر فرخ حبیب سمیت دیگر نے بھی خطاب کیا۔ دھرنا افطاری کے بعد شروع ہوا جس کے دوران نماز اور تراویح بھی ادا کی گئیں۔ دھرنے کے شرکاءسحری تک دھرنا دیئے بیٹھے رہے۔

روزنامہ جنگ راولپنڈی

**نیلم خان** · 07-08-11, 05:17 AM

اللہ کرے کوئ تبدیلی آ جائے

پاکستان کھپے

**پیارا** · 07-08-11, 11:00 AM

جزاک اللہ۔۔ اللہ عمران خان کی اور تحریک انصاف کے ہر رکن کی حفاظر کرے آمین

07-08-11, 05:17 AM	#2
نیلم خان ذیلی ناظم تاریخ شمولیت: Aug 2009 مقام: Rawalpindi مراسلات: 11,904 کمائي: 561,119 شکریہ: 25,573 10,451 مراسلہ میں 38,591 بارشکریہ ادا کیا گیا	اللہ کرے کوئ تبدیلی آ جائے پاکستان کھپے Share Share this post on Digg Del.icio.us Technorati Twitter Facebook!

07-08-11, 11:00 AM	#3
پیارا Senior Member تاریخ شمولیت: May 2011 مراسلات: 201 کمائي: 2,381 شکریہ: 108 142 مراسلہ میں 285 بارشکریہ ادا کیا گیا	جزاک اللہ۔۔ اللہ عمران خان کی اور تحریک انصاف کے ہر رکن کی حفاظر کرے آمین Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
بوس تو پھر بوس ہوتا ہے۔	احمد بلال	دلچسپ اور عجیب	4	05-01-11 04:23 PM
عبدالقدوس کے 19 ہزار مراسلات	عبدالقدوس	آپ اور ہم - دکھ سکھ کے ساتھی	50	13-12-10 10:41 PM
جنت الفردوس کی عظمت	میاں شاہد	علوم حدیث	1	04-01-09 05:10 PM
روس کی ریل گاڑیاں	ابو عمار	دلچسپ اور عجیب	1	13-11-08 03:08 PM
وہ لمحہ جب عبدالقدوس ، قلاباز عبدالقدوس بن گیا۔۔۔۔مگرکیوں	لاسلکی	گپ شپ	59	09-08-08 06:46 PM

Currently Active Users Viewing This Thread: 1 (0 members and 1 guests)