تحسین شاہ 21 ماہ میں رخصت ہونےوالے ایف آئی اے کے پانچویں سربراہ

**گلاب خان** · 18-08-11, 03:28 AM

اسلام آباد (رپورٹ: طارق بٹ) تحسین انور شاہ فیڈرل انویسٹی گیشن ایجنسی کے 21 ماہ میں پانچویں ڈائریکٹر جنرل ہیں۔ جنہیں سپریم کورٹ کے تحت بڑے پیمانے پر کرپشن اسکینڈلز کی تحقیقات میں منفی رویہ اختیار کرنے پر اپنے منصب سے ہاتھ دھونے پڑے۔ تحسین شاہ کا کہنا ہے کہ انہیں اب ادارے میں کوئی دلچسپی ہے اور نہ کوئی مفاد داﺅ پر لگا ہے۔ تحسین انور شاہ کا کہنا ہے کہ انہوں نے سپریم کورٹ میں بدھ کو پیشی سے ایک روز قبل ہی مجاز حکام کو اپنا استعفیٰ پیش کردیا تھا۔ رابطہ کرنے پر ایک سوال کے جواب میں وضاحت کرتے ہوئے انہوں نے کہا کہ وہ ایف آئی اے سربراہ کی حیثیت سے سبکدوش ہوئے ہیں‘ سول سروس سے استعفیٰ نہیں دیا ہے۔ اپنے سبکدوش ہونے کی وجوہ بیان کرتے ہوئے تحسین انور شاہ نے کہا کہ انہوںنے گزشتہ شب ہی ذہن بنا لیا تھاکہ وہ ا پنے ماتحت ایڈیشنل ڈائریکٹر جنرل ظفر قریشی کے ماتحت کام نہیں کریں گے۔ اسی لئے انہوں نے وزارت داخلہ کے ذریعہ وزیراعظم یوسف رضا گیلانی کو اپنا استعفیٰ بھجوادیا تھا۔ جس کی ایڈوانس کاپیاں سیکریٹری اسٹیبلشمنٹ اور وزیراعظم کے پرنسپل سیکریٹری کو بھی روانہ کی گئیں۔ انہوں نے کہا کہ ایف آئی اے میں خدمات کے لئے قانون کے تحت ڈائریکٹر جنرل‘ انسپکٹر جنرل پولیس کی طرح ہوتا ہے‘ تمام ایڈیشنل اور ڈپٹی ڈائریکٹر جنرلز اس کے ماتحت ہوتے ہیں۔ کسی تحقیقات یا تفتیش میں چیف آف آرمی اسٹاف کو کور کمانڈر کا ماتحت بنادیا جانا ناممکن ہوتا ہے۔ تحسین انور شاہ نے کہا کہ ایسے بھی افسران ہوں گے جو اپنے جونیئرز کے تحت کام کرنے پر آمادہ ہوں گے‘ لیکن وہ ان میں سے نہیں ہیں۔ انہوں نے کہا کہ میں نے قائدے قانون‘ روایات اور خدمات کے لئے اپنا منصب چھوڑا ہے۔ ان کے مطابق انہوں نے کبھی ایف آئی اے سربراہ بننے کی درخواست نہیں کی۔ حکومت نے یہ فیصلہ کیا اور ایک سول سرونٹ کی حیثیت سے انہوں نے اس عہدے کو قبول کیا۔ تحسین انور شاہ سے قبل ملک محمد اقبال نے ڈی جی ایف آئی اے کی حیثیت سے سپریم کورٹ کے 8 اگست کے فیصلے کی روشنی میں ظفر قریشی کو تفتیش سونپنے کے بجائے اس کے احکامات اور ہدایات کی حکم عدولی کی‘ انہیں اس پر توہین عدالت کا نوٹس بھی جاری کیا گیا تاہم رواں سال جون کے وسط میں ریٹائر ہو جانے کے باعث وہ اس مشکل سے نجات پا گئے۔ ان کی جگہ تحسین انور شاہ کو ڈائریکٹر جنرل ایف آئی اے بنایا گیا تاہم وہ بھی دو ماہ سے زیادہ دیر ٹھہر نہیں سکے۔ ملک اقبال سے قبل وسیم احمد کو تفتیش میں عدم تعاون پر سپریم کورٹ کی جانب سے اظہار برہمی اور عدالتی حکم پر کنٹریکٹ کے نصف مرحلے میں ہی فارغ ہونا پڑا۔ 25 جنوری کے فیصلے کے مطابق جب سپریم کورٹ نے این آئی سی ایل کے ایک ڈائریکٹر امین قاسم دادا کو گرفتار نہ کئے جانے کی وجہ دریافت کی تو ظفر قریشی کے مطابق ایف آئی اے کراچی کے ڈائریکٹر معظم جاہ نے بتایا کہ امین قاسم دادا کی ایف آئی اے سربراہ وسیم احمد کے کیمپ آفس میں موجودگی کے باعث گرفتار نہیں کیا جا سکا۔ معظم جاہ نے اپنے بیان کی پھر تصدیق بھی کی۔ عدالتی حکم میں کہا گیا کہ دوران تفتیش ایف آئی اے حکام نے برطانیہ میں این آئی سی ایل کیس کے بعض ملزمان کے غیر ملکی کرنسی اکاﺅنٹس کے بارے میں سیرئیس آرگنائزڈ کرائم ایجنسی (ایس او سی اے) برطانیہ سے معلومات حاصل کیں تو وسیم احمد نے ان معلومات کو 21 دن تک عدالت سے چھپائے رکھا۔ جس کی ڈائریکٹر ایف آئی اے مرزا سلطان ایم سلیم نے اپنے بیان میں تصدیق بھی کی۔ ظفر اللہ خان بھی ایف آئی اے سربراہ کے طور پر تادیر برقرار نہیں رہ سکے۔ جبکہ طارق کھوسہ کو پاکستان اسٹیل ملز اسکینڈل کی تحقیقات میں نمایاں کردار ادا کرنے پر ہٹایا گیا۔ اس طرح 21 ماہ میں ایف آئی اے کے 5 ڈائریکٹر جنرلز کو بوجوہ رخصت ہونا پڑا۔

روزنامہ جنگ راولپنڈی

**شمشاد احمد** · 18-08-11, 03:51 AM

لگتا ہے رحمن ملك كے بعد ايف آئي اے كو كوئي دوسرا راس نہيں آ رہا

18-08-11, 03:51 AM	#2
شمشاد احمد Senior Member تاریخ شمولیت: Jul 2010 مراسلات: 4,602 کمائي: 98,677 شکریہ: 9,130 3,925 مراسلہ میں 13,138 بارشکریہ ادا کیا گیا	لگتا ہے رحمن ملك كے بعد ايف آئي اے كو كوئي دوسرا راس نہيں آ رہا Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
قدرت آپ سے سیکنڈ کے ہزارویں حصے کے فاصلے پر	یاسر عمران مرزا	خبریں	4	31-10-09 12:08 PM
فقط پہلی ہی فرصت میں	خرم شہزاد خرم	خرم شہزاد خرم	10	02-06-09 02:45 AM
سال 2008ء میں پاکستانی ادبی و ثقافتی دنیا سے رخصت ہونے والی شخصیات	چیتا چالباز	میرا پاکستان	1	01-01-09 07:51 PM
آصف زرداری اچانک ابوظبی روانہ، بلاول کو لندن رخصت کر کے وطن آئیں گے	عبدالقدوس	خبریں	0	06-01-08 07:21 AM
آئین کے آرٹیکل 209 میں ترمیم پر غور، صدر جج کو جبری رخصت پر بھیج سکیں گے	عبدالقدوس	خبریں	0	09-12-07 02:42 PM

Currently Active Users Viewing This Thread: 1 (0 members and 1 guests)