11 دسمبر 2010
اسلام آباد (مانیٹرنگ ڈیسک) دفتر خاجہ کے ترجمان عبد الباسط نے تصدیق کی ہے کہ امریکہ میں مقیم پاکستانیوں کیلئے عارضی تحفظ اور انہیں خصوصی مراعات کی فراہمی کیلئے کی گئی درخواست پر امریکی اراکین کانگریس نے غور شروع کردیا ہے ۔دوسری جانب انہوں نے بتایا کہ پاکستانی فضائیہ کی جانب سے بھارتی حدود کی خلاف ورزی کا بیان بے بنیاد ہے۔پاکستان نے اس سلسلے میں ستمبر کے وسط میں امریکی انتظامیہ سے درخواست کی تھی کہ امریکہ میں مقیم وہ پاکستانی جن کا تعلق سیلاب اور سے دہشت گردی سے متاثرہ علاقوں سے انہیں امریکہ میں عارضی تحفظ مہیا کیا جائے۔پاکستان کی جانب سے اس درخواست کو الگیرل اور شیلا جیکسن لی سمیت آٹھ ارکین کانگر یس ایک بل کی شکل میں آئندہ ہفتے امریکی خارجہ کمیٹی میںپیش کریں گے جس کی منظوری کے بعد اس بل پر کانگریس میں بحث ہوگی اور اگر کانگریس یہ بل منظور کر لیتی ہے تو تمام وہ پاکستانی جو قانونی طور پر امریکہ میں مقیم ہیں انہیں ایک خاص مدت کیلئے خصوصی تحفظ حاصل ہو جائے گا اور انہیں ہوم لینڈ سیکیورٹی کی جانب سے ورک پرمٹ بھی دیدیا جائے گا تاکہ وہ خاص مدت میں اپنے گھروں کو سپورٹ کر سکیں ۔واضح رہے کہ امریکہ کی جانب سے عارضی تحفظ ان ممالک کے باشندوں کو فراہم کیا جاتا ہے جو ممالک حالت جنگ میں ہوں یا آفت زدہ قرار دیے گئے ہوں ۔ دوسری جانب ڈان نیوز سے گفتگو کرتے ہوئے انہوں نے بتایا کہ بھارتی فضائیہ نے اس سال پاکستانی فضائی حدود کی 20اور گزشتہ تین برسوں میں 182مرتبہ خلاف ورزی کی ہے۔یہ بات انہوں نے بھارتی وزیر دفاع اے کے انتھونی کے اس بیان پر تبصرہ کرتے ہوئے کہی کہ پاک فضائیہ نے بھارت کی حدود کی خلاف ورزی کی ہے ۔ان کا کہنا تھا کہ یہ بیان بے بنیاد ہے جبکہ اس کے برعکس حقیقت یہ ہے کہ بھارتی فضائیہ نے کئی مرتبہ پاکستانی فضائی حدود کی خلاف کی جس پر بھارتی حکومت کو سفارتی ذرائع سے آگاہ کیا گیا جس کا بھارت نے کبھی نوٹس نہیں لیا جس پر انہیں تشویش ہے۔

__________________
جاویداسد