تہران ۔۔۔۔۔۔۔ ایران نے کہا ہے کہ اگر ترکمانستان نے 2 ہفتہ قبل منقطع کی جانے والی گیس سپلائی بحال نہیں کی تو وہ ترکمانستان سے گیس کی خریداری بند کردے گا۔ یہ بات ایران کے وزیر خارجہ غلام حسین نظاری نے اتوار کو کہی۔ انہوں نے کہا کہ ترکمانستان ایران کو فروخت کی جانے والی گیس کی قیمت دوگنا کرنا چاہتا ہے‘ ترکمانستان آخر ماہ تک روزانہ 23 ملین کیوبک میٹر تک گیس ایران کو سپلائی کررہا تھا جو اب روک دی گئی ہے۔ ترکمانستان نے فنی مشکلات کو سپلائی بند کرنے کا سبب بتایاہے جبکہ ایران کا کہنا ہے کہ اشک آباد ایران کو سپلائی کی جانے والی قدرتی گیس کی قیمت میں اضافہ چاہتاہے۔ غلام حسین نظاری نے کہا ہے کہ ترکمانستان گیس سپلائی بحال کرے اور پھر قیمتوں پر تبادلہ خیال کرے‘ اگر ایسا نہ ہوا تو پھر ہم ترکمن گیس نہ خریدنے کا اعلان کردیں گے۔