اسلام آباد( روزنامہ اوصاف اسلام آباد کے اعظم زیدی سے) پاکستان واسلام دشمنی اور توہین رسالتۖ کے الزام میں پاکستان سے اپریل میں ملک بدر کی جانے والی دو لیڈی رپورٹرز کو ڈنمارک حکومت کے دبائو پر دوبارہ ویزے جاری کر دیئے گئے پاکستان پہنچتے ہی دونوں رپورٹرز سندھ اور وسطی پنجاب میں سیلاب زدہ علاقوں میں جانے کے بجائے خیبرپختونخواہ روانہ ہوگئیں ایک لیڈی رپورٹر حضرت محمدۖ کے خاکے شائع کرنے والے اخبار سے تعلق رکھتی ہے اور پاکستان دشمن اور توہین رسالت پرمبنی مضامین لکھ چکی ہے ذرائع کے مطابق پاکستان نژاد ڈینش صحافی خاتون سیمی جان''Simi jan'' اور ڈینش نژاد لیڈی رپورٹر پک ڈیمس گارڈ اینڈرسن( puk Damsgard Andrson) کو پاکستان دشمن سرگرمیوں' طالبان کے اہل خانہ سے ملاقاتوں' پاکستان کو بدنام کرنے والے دہشتگردوں اور یورپ میں پکڑے جانے والے ملزمان کے پاکستان میں اہل خانہ کو تلاش کر کے انکے انٹرویو نے سمیت ملک دشمن دیگر سرگرمیوں پر اپریل2010ء میں ملک بدر کر دیا تھا سیمی جان پر الزام تھا اس نے ایک کتاب لکھی جس کے اقتباسات اسلام' عظمت رسالت اور پاکستان کے حوالے سے انتہائی قابل اعتراض تھے پک ڈیمس گارڈ اینڈرسن حضورۖ کے کیری کیچر(خاکے)چھاپنے والے اخبار کی رپورٹر ہے اس کے اکثر مضامین پاکستان' اسلام اور عظمت رسالت کے حوالے سے انتہائی قابل اعتراض رہے ہیں اس حوالے سے وزارت داخلہ نے مکمل کام کر کے ان کے خلاف قابل اعتراض مواد اور ملک دشمن سرگرمیوں میں ملوث ہونے کی وجہ سے تمام پریشر برداشت کرتے ہوئے انہیں ملک بدر کیا تھا جس کے بعد دونوں نے پورا زور لگایا کہ انہیں کسی طرح واپس پاکستان آنے کی اجازت مل جائے لیکن ناکام رہیں بعد ازاں پاکستان میں بدترین سیلاب آنے پر ڈنمارک نے سیلاب زدگان کے لئے امداد کی اس حوالے سے ڈنمارک کے وزیر برائے ترقی و تعاون سوئرن ہنڈ پاکستان کے دورے پر سوموار کی شب پاکستان آئے تو ڈنمارک حکومت نے شرط عائد کی کہ وہ اس وقت پاکستان آئیں گے اور پاکستانی سیلاب زدگان کو امداد دی جائے گی جب پاکستان دونوں مذکورہ لیڈی رپورٹرز کو ویزہ جاری کرے گا ڈینش حکام کے دبائو پر وزارت داخلہ نے ویزے جاری کرنے کی کلیئرنس دے دی دونوں پاکستان پہنچتے ہی خیبرپختونخواہ روانہ ہوگئیں اور اس وقت نوشہرہ میں ہیںجبکہ ڈینش وزیر کے ہمراہ آنے والے دیگر13اراکین ان کے ہمراہ سیلاب زدہ علاقوں کا دورہ کر رہے ہیں ذرائع کے مطابق اس وقت سیلاب زدگان کی امداد کرنے والے تمام ادارے اور اکابرین سندھ اور وسطی پنجاب جارہے ہیں جہاں سیلاب ہے جبکہ یہ دونوں خیبرپختونخواہ جارہی ہیں دونوں کی پوری کوشش ہے کہ ان کو کسی طرح پاکستان میں اقامت کی اجازت حاصل ہوجائے پک ڈیمس گارڈ اینڈرسن اس وقت افغانستان میں سیٹل ہونا چاہ رہی ہیں تاکہ اس خطے میں رہ سکیں ذرائع کے مطابق پک ڈیمس گارڈ اینڈرسن پاکستان میں قیام کے دوران امریکن سفارتخانے کے آفیسر''SHAW'' کے ساتھ رہائش پذیر رہیں جس کو انکا بوائے فرینڈ بتایا جاتا ہے ذرائع کے مطابق اس وقت پاکستان میں سیلاب زدگان کی امداد کی آڑ میں بہت سے وہ لوگ پاکستان آرہے ہیں جن کو پہلے پاکستان نے ویزہ دینے سے انکار کر دیا تھا اس حوالے سے چند ایسے امریکن بھی پاکستان آئے ہیں جن کو ویزہ نہیں مل رہا تھا ۔

__________________
جاویداسد