یالا تھائی لینڈ کے شورش زدہ صوبے یالا میں علیحدگی پسند باغیوں کے ساتھ جھڑپ میں تین فوجی ہلاک جبکہ متعدد زخمی ہوگئے ہیں۔پولیس حکام کے مطابق یالا صوبے میں فوجی ایک سڑک پر پیدل گشت کررہے تھے کہ انہیں باغیوں نے گھیر لیا اور فائرنگ شروع کردی ۔دونوں اطراف سے فائرنگ کا سلسلہ بیس منٹ تک جاری رہاجس کے نتیجے میں تین فوجی شدید زخمی ہوگئے جو بعد ازاں اسپتال میں دم توڑ گئے جبکہ حملہ آور فرار ہونے میں کامیاب ہوگئے۔تھائی لینڈ کے اس شورش زدہ علاقے میں گزشتہ چار برس کے دوران دو ہزار آٹھ سو افراد ہلاک ہوچکے ہیں۔