نمازیوں نے پولیس کو مطلوب شخص تک پہنچنے ہی نہ دیا‘ جس کا بیٹا دوہفتے سے گرفتار ہے
اسلام آباد(ایوب ناصر خصوصی نامہ نگار) تھانہ نیب راولپنڈی نے منگل کی شام ایک شخص کی گرفتاری کیلئے ای سیون میں واقع مسجد پر چڑھائی کردی اور پولیس ملازمین مسجد کا تقدس پامال کرتے ہوئے اسلحہ ہاتھوں میں لہراتے نمازپڑھنے میں مصروف نمازیوں کے آگے سے گزرتے رہے۔ مسجد میں پولیس کے چھاپے کے خلاف نمازیوں نے سخت احتجاج کیا اور پولیس کو اس شخص تک پہنچنے ہی نہیں دیا گیا جسے پولیس گرفتار کرنے کی خواہاں تھی‘ ایس پی سٹی ساجد کیانی نے جنگ کے رابطہ پربتایا کہ تھانہ نیب نے ابوظہبی ٹاور کے مالک ملک صادق کی گرفتاری کیلئے مسجد چھاپہ مارا تھا جسے وہ گرفتار نہ کرسکی۔ انہوں نے بتایاکہ تھانہ نیب نے وفاقی پولیس کو چھاپہ کے بارے میں اطلاع ہی نہیں دی تھی بعد میں ہماری مدد حاصل کی مگر اس وقت تک ملک محمد صادق اپنے گھر جو گلی نمبر14میں مسجد کے سامنے واقع ہے سے فرار ہوچکا تھا۔ نیب نے ملک صادق کے بیٹے رضوان صادق کو دوہفتوں سے گرفتار کررکھا ہے۔ رضوان صادق کی والدہ کا مؤقف ہے کہ ان کے خاوند کے خلاف درج مقدمات عدالت میں غلط ثابت ہوچکے ہیں مگر نیب بلیک میل کرکے رقم مانگ رہا ہے۔ چیف جسٹس کو اس کا نوٹس لینا چاہیے۔ خاتون کے مطابق ان کا خاندان40 برس سے متحدہ عرب امارات میں مقیم ہے اور وہاں کنسٹرکشن کا کام کرتے ہیں پاکستانیوں کو جدید رہائش فراہم کرنے کیلئے اس کے خاوند نے ایف الیون ون میں ایک پلاٹ خرید کر ابوظہبی ٹاورز کے نام سے اپارٹمنٹس کی تعمیر شروع کی دوایجنٹوں محمد رزاق اور نوید انجم نے لینڈ مافیا سے مل کر اس کے بیٹے کے نام سے جعلی اسٹامپ پیپر جاری کروا کر اورجعلی دستخط کرکے ان اپارٹمنٹس کی بابت معاہدے تیار کرائے جب میرے خاوند کو اس فراڈ کے بارے میں معلوم ہوا تو انہوں نے رزاق اور نوید کے خلاف تھانہ شالیمار میں مقدمہ درج کرایا۔ اعلیٰ پولیس افسران پر مشتمل ٹیم نے انکوائری کی اور معاہدے جعلی ثابت ہوئے۔ لینڈ مافیا کی ایف آئی آر خارج ہوگئیں جس پر انہوں نے اپنے اثرورسوخ سے نیب میں درخواستیں دائر کر دیں 2007ء سے نیب میرے خاوند اور بیٹے کے خلاف انکوائری کرتا رہا ہر دفعہ ثبوت مہیا کئے جاتے رہے۔ نیب بار بار فائل کھول رہا ہے حالانکہ ہائی کورٹ نیب کو منع کرچکی ہے حکومتی اعلیٰ عہدیدار بااثر لینڈ مافیا کی سرپرستی کر رہے ہیں۔ انہی جعلی معاہدات کی بناء پر اب نیب نے میرے بیٹے رضوان صادق جو برطانیہ میں ایم بی اے کا طالب علم ہے گرفتار کررکھا ہے تاکہ ہمیں مجبور کرکے پیسے بٹورسکیں۔
روزنامہ جنگ راولپنڈی کی خبر
18-08-10, 03:23 AM
18-08-10, 03:23 AM
Linear Mode
Similar Threads
