تیل کی قیمتوں کے حوالے سے سعودی عرب سے مذاکرات میں اہم پیش رفت ہوئی ہے، وزیر خزانہ
پٹرولیم مصنوعات پر سبسڈی ختم ہو چکی، اب عوام کو ریلیف ملے گا، پٹرول کے بعد دیگر پٹرولیم مصنوعات کی قیمتوں میں بھی کمی کی جائیگی، نوید قمر کی صحافیوں سے گفتگو
اسلام آباد(پاک ڈاٹ نیٹ) وفاقی وزیر خزانہ نوید قمر نے کہا ہے کہ تیل کی قیمتوں کے حوالے سے سعودی عرب سے مذاکرات میں اہم پیش رفت ہوئی ہے۔ پٹرولیم مصنوعات پر سبسڈی ختم ہو چکی ہے اب عوام کو ریلیف ملے گا۔ پٹرول کی قیمتوں میں کمی کے بعد دیگر پٹرولیم مصنوعات کی قیمتوں میں بھی کمی کی جائیگی۔ ان خیالات کا اطہار نہوںنے جمعرات کے روز یہاں افطار ڈنر کے بعد صحافیوں سے گفتگو کرتے ہوئے کیا۔ انہوںنے کہاکہ سعودی حکومت سے تیل کی قیمتوں کے حوالے سے پیش رفت ہوئی ہے بہت جلد اچھے نتائج نکلیں گے۔ انہوںنے کہاکہ پٹرولیم مصنوعات پر سبسڈی ختم ہو چکی ہے اب عوام کو ریلیف ملے گا۔ نوید قمر نے کہاکہ پٹرول کی قیمتوں میں کمی کے بعد دیگر اہم مصنوعات کی قیمتوں میں بھی کمی کی جائیگی۔ انہوںنے کہاکہ اقتصادی صورتحال کو بہتر بنانے کیلئے حکومت ایک جامع پلان پر عمل کر رہی ہے۔ آئی ایم ایف سمیت دیگر اداروں سے بھی معاونت لی جا رہی ہے۔ وفاقی وزیر خزانہ نے کہاکہ ایشیائی ترقیاتی بنک سے 5 سو ملین ڈالر کی امداد رواں ماہ کے آخر میں مل جائیگی ۔ دیگر ادارے بھی اس سلسلے میں پاکستان کی امداد کرینگے۔ انہوںنے کہاکہ حکومت معاشی استحکام کیلئے بانڈدسمبر میں جاری کریگی ۔ گندم کی امدادی قیمت کا آئندہ ہفتے اعلان کردیا جائیگا۔
٭٭٭٭٭٭
پنجاب میں سرکاری اسکولوں کے طلباء کیلئے فری بس سروس شروع کرنیکا اعلان
لاہور (پاک ڈاٹ نیٹ) پنجاب حکومت نے سرکاری اسکولوں کے طالب علموں کےلئے فری بس سروس شروع کرنے کااعلان کیا ہے۔ اس مقصدکےلئے گاڑیاں بنانے والی مختلف کمپنیوں کو نئی اسکول بسیں بنانے کا ٹھیکہ دے دیا گیاہے۔ ایک نجی ٹی وی چینل سے گفتگو کرتے ہوئے سیکرٹری ٹرانسپورٹ پنجاب بتایا کہ وزیر اعلیٰ پنجاب میاں شہبازشریف کے حکم پرسرکاری اسکولوں کےلئے فری بس سروس دو ماہ تک شروع ہو جائے گی۔ انہوں نے مزیدبتایاکہ اسکول بسوں کا رنگ پیلا ہوگااورجیسے جیسے یہ بسیں تیارہوتی جائیں گی انہیں اسکول انتظامیہ کے حوالے کر دیا جائے گا۔ سیکریٹری ٹرانسپورٹ پنجاب نے کہا کہ اس پالیسی پرعمل درآمد سے طلبا وطالبات کو سہوت ملنے کے ساتھ سڑکوں پر ٹریفک کا رش کم کرنے میں بھی مدد ملے گی۔
٭٭٭٭٭٭