انا للہ و انا الیہِ راجعون

اور
جیسے لازوال حمدیہ اور نعتیہ کلام کے خالق محمد مظفر الدین احمد صدیقی المعروف مظفر وارثی ایک طویل علالت کے بعد 28 جنوری 2011 ء کو اس دارِ فانی سے دارِ جاودانی کی جانب انتقال فرما گئے ۔۔۔۔۔ انا للہ و انا الیہ راجعون ۔۔۔۔۔ دعا ہے کہ رب ِ کریم انہیں اپنے جوارِ رحمت میں جگہ عطا فرمائے ۔۔۔۔۔ آمین
مظفر وارثی 1933 ء میں میرٹھ میں پیدا ہوئے اور قیامِ پاکستان کے بعد لاہور آ گئے ۔ان کا تعلق الحاج محمد شرف الدین احمد کے خاندان سے تھا جو کہ صوفی وارثی کے نام سے معروف تھے اسی نسبت سے مظفر الدین احمد نے بھی اپنا تخلص " وارثی" رکھا ۔
مظفر وارثی نے شاعری کا آغازفلمی نغمہ نگاری سے کیا اور چالیس کے قریب فلموں کے لئے گیت لکھے لیکن 1972 میں اپنی شاعری کا رُخ غزل اور خاص طور پر حمد و نعت کی طرف موڑ لیا ۔۔۔۔۔ انہوں نے فنِ حمد و نعت گوئی میں کئی جدتیں پیدا کیں ۔ خالقِ کائنات نے انہیں شاید اسی لئے بہت رسیلی اور سریلی آواز سے نوازا تھا کہ جب وہ اپنے مخصوص آہنگ اور انداز میں حمد یا نعت پڑھتے تو حاضرین و سامعین پر وجد طاری ہو جاتا تھا ۔
ان کی حمد " کوئی تو ہے جو نظام ِ ہستی چلا رہا ہے ۔۔۔۔۔ وہی خدا ہے " گذشتہ تین دہائیوں سے زبان زدِ عام ہے ۔۔۔۔۔
غزلوں ، نظموں ، حمد و نعت کے علاوہ انہوں نے اپنی سوانح حیات " گئے دنوں کا سراغ " لکھی ، انہوں نے درجنوں کتب لکھیں جن میں ۔۔۔ حصار ۔۔۔۔ لہو کی ہریالی ۔۔۔ ستاروں کی آبجو ۔۔۔۔ کُھلے دریچے بند ہوا ۔۔۔۔ دل سے دیارِ نبی تک ۔۔۔۔۔ظلم نہ سہنا ۔۔۔۔۔ برف کی ناو اور دیگر کتب شامل ہیں ۔۔۔۔۔ انکی ادبی خدمات کے اعتراف میں حکومتِ وقت نے انہیں " پرائڈ آف پرفارمنس " کے اعزاز سے بھی نوازا ۔۔۔۔۔


۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنرل ضیا الحق نے بزورِ شمشیر ملکی نظامِ سیاست و حکومت کو اسلامیانے کی کوششیں شروع کیں تو مظفر وارثی نے کہا کہ