ٹوکیو۔۔۔۔۔۔۔جاپان کی ایوان زیر یں نے ایوان بالا کی مخالفت کے باوجود امریکی قیادت میں دہشت گردی کے خلاف لڑی جانے جنگ میں اپنے بحری مشن کو دوبارہ شروع کرنے کے حق میںآ ج ووٹ دے دیا ہے۔دو ماہ قبل ایوان بالا میں اپوزیشن کے مطالبات ہر جاپان نے بحیرہ ہندمیں اپنے بحری مشن کو ختم کرنے کا اعلان کیاتھا۔1951کے بعد سے یہ پہلا موقع ہے کہ جاپان اب بھی امریکی تسلط میں نظر آیا ہے اور اس کی حکومت نے قانون کو ختم کرنے کیلئے اپنی دو تہائی اکثریت کو استعمال کیاہے۔ایوان زیریں نے پارٹی کا ساتھ دیتے ہوئے 133کے مقابلے میں340وٹوں سے اس بل کو ختم کردیا جس کے بعد جاپان بحیرہ ہندمیں اپنے مشن کا دوبارہ آغاز کرے گا جس تحت جاپانی بحری جہاز افغانستان میں برسرپیکار امریکی طیاروں اوربحری جہازوں کو تیل بھرنے کی سہولت مہیا کریں گے۔اس سے چند گھنٹے قبل ہی ایوان بالا نے یہ کہتے ہوئے اس بل کو مسترد کردیاتھا کہ جاپان کو امریکی جنگ کا حصہ نہیں بنناچاہیئے۔