2010 : اکتوبر-12
اسلام آباد (مانیٹرنگ ڈیسک) متحدہ قومی موومنٹ نے لینڈ ریفارمز بل قومی اسمبلی میں جمع کرا دیا ہے۔ ایم کیو ایم کے پارلیمانی وفد نے ڈاکٹرفاروق ستار کی سربراہی میں یہ بل اسمبلی سیکرٹریٹ میں جمع کرایا۔بل میں کہا گیا ہے کہ زرعی زمین کی زیادہ سے زیادہ حد 36ایکڑ مقرر کی جائے جبکہ بارانی علاقوں میں یہ حد 54ایکڑ سے زیادہ نہیں ہونی چاہیے۔بل پیش کیے جانے کے موقع پر ایم کیو کے 25اراکین اسمبلی سمیت چھ سینیٹرز بھی موجود تھے۔ بل پیش کرنے کے بعد میڈیا سے گفتگو کرتے ہوئے ڈاکٹر فاروق ستار نے کہا کہ یہ بل پاکستان بچانے اور خوشحالی کیلئے ہے۔ ان کا کہنا تھا اس بل سے ملک میں امیر اور غریب کا فرق ختم ہو جائے گا۔

__________________
جاویداسد