اسلام آباد .......... وزیراعظم سید یوسف رضا گیلانی نے معزول چیف جسٹس افتخار محمد چوہدری سمیت تمام معزول ججوں کی اپنے عہدوں پر بحالی کا اعلان کرتے ہوئے کہا ہے کہ 21مارچ کو چیف جسٹس عبدالحمید ڈوگر کے ریٹائر ہونے پر جسٹس افتخار محمد چوہدری چیف جسٹس آف پاکستان کا عہدہ سنبھال لیں گے جس کا نوٹیفیکیشن جاری کر دیا گیا ہے۔وزیراعظم نے دفعہ 144کو فوری طور پر ختم اور اس دوارن گرفتار کئے گئے تمام سیاسی کارکنوں کو فوری رہائی کا بھی حکم دے دیا ہے۔ وزیراعظم نے شریف برادران کے خلاف سپریم کورٹ کے فیصلے کے خلاف وفاقی حکومت کی جانب سے نظر ثانی اپیل دائر کرنے کا بھی اعلان کر دیا۔ وزیراعظم نے پیر کی صبح قوم سے اپنے خطاب میں کہا کہ وہ قوم سے ایک ایسے موقع پر مخاطب ہیں جب ملک اپنی سیاسی تاریخ کے اہم دوراہے پر کھڑا ہے حکومت نے ہمیشہ سیاست میں مفاہمت صبر تحمل اور باہمی احترام کو اہمیت اور فوقیت دی ہے ۔ وزیراعظم نے کہا جمہوریت اور جمہوری ادارے اس وقت تک مستحکم نہیں ہوتے جب تک سیاسی جماعتیں اور اقابرین ایک دوسرے کا مینڈیٹ کا احترام نہ کریں۔ وکلاءاور ان کے حامی اپنے مطالبات کے حق میں اپنے جذبات کا اظہار کر رہے ہیں جو ان کا سیاسی حق ہے ایسے ماحول میں بھی مفاہمت اور صبرو تحمل کو وہ جذبہ سلامت ہے جس پر وزارت عظمیٰ کی ذمہ داریاں سنبھالنے سے اب تک نہ صرف مسلسل زور دیتا آ رہا ہوں بلکہ اس پر عمل کرنے کی بھی بھرپور کوشش کرتا رہا ہوں وزیراعظم نے اپنے خطاب میں کہا جہاں تک وکلاءکے لانگ مارچ کا تعلق ہے تو وہ یہ تاریخی حقیقت یاد دلانا چاہتے ہیں کہ پاکستان پیپلز پارٹی اور وکلاءبرادری کا سیاسی رشتہ بہت پرانا اور اٹوٹ ہے جمہوریت کی بحالی شہری آزادیوں اور انسانی حقوق کی خاطر جدوجہد میں ہم ہمیشہ ایک دوسرے کے شانہ بشانہ رہے ہیں ہم معاشرے کے اس تعلیم یافتہ قانون کے پاسبان اور باشعور طبقے کا دل سے احترام کرتے ہیں۔وزیراعظم نے کہا میں یہ یہاں پر بیان کرنا ضروری سمجھتا ہوں کہ جب چیف جسٹس افتخار محمد چوہدری کو معزول کیا گیا اور ان پر وکلاءنے سیاسی جماعتوں اور سول سوسائٹی کے ساتھ مل کر جو تحریک شروع کی شہید محترمہ بینظیر بھٹو عملی طور پر اس تحریک میں شریک ہوئیں۔ انہوں نے لانگ مارچ میں حصہ لیا اور اسی پر ان کو نظر بند کیا گیا اور میں خود اسی تحریک میں گرفتار ہوا اس تحریک میں وکلاءپاکستان پیپلز پارٹی اور دیگر جماعتوں کے کارکنوں اور سول سوسائٹیوں کے اراکین نے عظیم قربانیاں دیں اور اپنی جانوں کے نذرانے بھی پیش کئے۔ وزیراعظم نے کہا کہ ہماری قائد شہید بینظیر بھٹو نے یہ وعدہ کیا تھا کہ وہ افتخار محمد چوہدری کو بطور چیف جسٹس اپنے عہدے پر بحال کریں گی۔ جب ہماری حکومت بنی تو شریک چیئر مین پاکستان پیپلز پارٹی اور صدر پاکستان آصف علی زرداری نے یہ وعدہ کیا کہ وہ معزول ججوں کو بحال کریں گے ۔ وہ اپنے عہدے پر قائم رہے لیکن اس وقت افتخار محمد چودھری کو بطور چیف جسٹس بحال کرنے میں امر مانع یہ تھا کہ جسٹس عبدالحمید ڈوگر بطور چیف جسٹس تعینات ہو چکے تھے اور صدر آصف علی زرداری نے یہ وعدہ کیا تھا کہ وہ کسی جج کو اس کے عہدے سے قبل از وقت الگ نہیں کریں گے۔ یوسف رضا گیلانی نے کہا اب کیونکہ 21مارچ کو چیف جسٹس عبدالحمید ڈوگر اپنے عہدے سے ریٹائر ہو رہے ہیں لہذا انہوں نے صدر آصف علی زرداری سے مشاورت کر کے یہ فیصلہ کیا ہے کہ اب وعدہ پورا کرنے کا وقت آ گیا ہے اس پر ہم نے اتحادی جماعتوں کے اقابرین سے بھی مشورہ کر لیا ہے وزیراعظم نے کہا کہ میں قوم کو یاد دلاتا چلوں کہ جب میں وزیراعظم منتخب ہوا تو فوری طور پر میں نے گرفتار شدہ جج صاحبان کو نہ صرف رہا کرنے کا اعلان کیا بلکہ ان کی تنخواہیں اور مراعات بھی بحال کر دیں۔ وزیراعظم نے کہا کہ وہ صدر پاکستان اور اپنے وعدے کے مطابق افتخار محمد چوہدری سمیت تمام معزول ججوں کو اپنے عہدوں پر بحال کرنے کا اعلان کرتے ہیں ۔ اکیس مارچ کو چیف جسٹس عبدالحمید ڈوگر ریٹائر ہونے پر جسٹس افتخار محمدچوہدری چیف جسٹس آف پاکستان کا عہدہ سنبھال لیں گے اور اس کا نوٹیفیکیشن ابھی جاری کیا جا رہاہے۔ وزیراعظم نے کہا اس موقع پر