اسلام آباد۔۔۔۔۔ اسلام آباد ہائی کورٹ میں ججز کی بحالی کے حوالے سے پارلیمنٹ میں قرارداد رکوانے کے دائر کردہ پٹیشن ناقابل سماعت قرار دے کر خارج کردی گئی۔یہ درخواست سردار محمد اسلم کی عدالت میں پیش کی گئی تھی جنہوں نے مختصر سماعت کے بعد درخواست کو ناقابل سماعت قرار دے کر خارج کر دیااور کہا کہ پٹیشن پر رجسٹرار آفس نے اعتراضات اٹھائے گئے تھے۔ سماعت کے موقع پر درخواست گذار مولوی اقبال حیدر عدالت میں پیش نہیں ہوئے۔واضح رہے کہ مولوی اقبال حید رنے جمعرات کو اسلام آباد ہائیکورٹ میں پٹیشن دائر کرتے ہوئے موقف اختیار کیا تھا کہ پارلیمنٹ میں ججز کے مسئلے پر قرارداد آئین کے آرٹیکل 199کی خلاف ورزی ہے۔