|
جلیبی جیسی باتیں بناتا رہا ہوں، اصلی جلیبی آج بنائی ، شمعون
10-03-11, 05:55 AM
کراچی(جنگ نیوز) جیو ٹی و ی کے پروگرام ”اٹھو جاگو پاکستان“ میں جیو بہاراں کا سلسلہ جاری ہے۔ یہ پروگرام گلشنِ معمار کے سرسبز رومن پارک سے براہِ راست پیش کیا جارہا ہے۔ سرسبز درختوں،خوشنما پھولوں اور اس پارک میں تعمیر کئے گئے مصنوعی جھرنے نے ماحول کو انتہائی دلفریب بنا دیا ہے۔ بدھ کو پیش کئے جانے والے پروگرام میں ماڈل رباب، گلوکارہ و اداکارہ مسکان خان، نتاشا، اداکار شمعون عباسی اور آغا شیراز شریک ہوئے۔ پارک میں جلیبیاں، گولہ گنڈا اور کچوریاں بنائی جارہی تھیں۔ فنکاروں کے درمیان بھی جلیبی، پکوڑے، گولہ گنڈااور کچوریاں بنانے کا مقابلہ ہوا۔ آغا شیراز جج کے روپ میں” آپا شیراز“ بنے ہوئے تھے اور مزیدار تبصروں سے سب کو قہقہہ لگانے پر مجبور کررہے تھے۔ شمعون عباسی نے جلیبی بناتے ہوئے کہا کہ میں پہلی بار جلیبی بنا رہا ہوں ویسے میں جلیبی جیسی باتیں کرتا رہا ہوں، اس طرح کے کام میں نے ہمیشہ صرف شائستہ کے شو میں کئے ہیں، گلوکارہ مسکان خان نے بھی گفتگو میں حصہ لیتے ہوئے کہا کہ مسکان میرا شوبز کا نام ہے ، یہ نام میرے استاد نے رکھا تھا، میرا اصل نام زرین ہے، میرے استاد کا کہنا تھا کہ تم ہر وقت مسکراتی رہتی ہو کوئی ایسا نام رکھو جو تمھاری مسکراہٹ سے تعلق رکھتا ہو ۔پروگرام میں ماڈل رباب، اور نتاشا نے بھی بھرپور حصہ لیا اور ایک دوسرے پر جملے کسے۔ تمام فنکاروں نے میزبان کے ساتھ مل کر جلیبیاں، گول گپے،پکوڑے اور کچوریاں بنائیں،گیندے کے پھولوں کے ساتھ فنکاروں کے درمیان چھوٹے چھوٹے کھیل کھیلے گئے۔گیندے کا پھول کیچ کرتے وقت فنکاروں نے کامران اکمل کی ناقص کارکردگی پر دل کھول کر ”داد“دی اور اپنے ساتھیوں کو ایسی پرفارمنس سے باز رکھنے کی تلقین کی۔ پروگرام میں سوال بھی بہار سے متعلق پوچھا گیا، ایس ایم ایس پر صحیح جواب دینے والوں کو قیمتی انعامات دئے گئے۔اٹھو جاگو پاکستان میں ” جیوبہاراں“کا سلسلہ جمعہ تک جاری رہے گا۔
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,971 مراسلہ میں 8,222 بارشکریہ ادا کیا گیا
|
|
10-03-11, 05:55 AM
Linear Mode
Similar Threads
