لاہور13نومبر2011ء:جماعت اسلامی نے ملک میں بڑہتی ہوئی بے روزگاری،پٹرول،گیس،بجلی کے بحران،کرپشن،قتل وغارت کیخلاف 25دسمبر کو لاہورمیں دھرنے کا اعلان کردیا۔دنیا بھر میں تبدیلی کی لہر چل پڑی مصر، تیونس،الجزائراورلبیا میں انقلاب آچکا، لاہورکے اچھرہ پل کومصر کے تحریر سکوائرمیں بدلیں گے اورملک میں تبدیلی کا آغازکردیں گے،پیارے محمدکے غلام آئیں اورجماعت اسلامی کا ساتھ دیں۔ان خیالات کا اظہار امیرجماعت اسلامی لاہورامیرالعظیم نے دفترجماعت اسلامی لٹن روڈپرپریس کانفرنس کرتے ہوئے کیا۔اس موقع پر ان کے ساتھ ضلعی شوریٰ کے ارکان ،نائب امیرملک شاہداسلم اورسیکرٹری جنرل ذکراللہ مجاہد بھی ہمراہ تھے۔امیرالعظیم نے کہا کہ 25دسمبر کوبانی ءپاکستان قائداعظم محمد علی جناح کا دن ہے اوراسی دن کی مناسبت سے جماعت اسلامی لاہورمیں تبدیلی کا سنگ بنیادرکھے گی اورہم مصر،لبیا،تیونس اورترکی کی سطح کا اسلامی انقلاب لانے کے لےے بڑی عوامی تحریک کا آغازکرنے جارہے ہیں۔انہوں نے کہا کہ25دسمبر اس سال کا منفردتجربہ ہوگا غربت،مہنگائی،بے روزگاری اورٹیکسوں کی بھرمار سے تنگ آئے عوام لاہورکے اچھرہ پل پر اکٹھے ہوکراسلامی انقلاب کا مطالبہ کریں گے اورحکمرانوں کو چلتی کریں گے۔انہوں نے کہا کہ پاکستان کوسول اورملٹری ڈکٹیٹرشپ نے تباہی کے دھانے پر پہنچادیا ہے ،عوام بڑی جماعتوں سے سخت بیزاراورنالاں ہوچکے ہیںملک میں حقیقی تبدیلی جماعت اسلامی ہی لائے گی۔انہوں نے کہا کہ خدمت خلق کا شاندارعوامی ریکارڈرکھنے والی اوراپنا بے داغ ماضی رکھنے والی جماعت اسلامی ہی وہ واحد جماعت ہے جوکہ عوام کو ان کے من پسند نتائج دے گی،عوام نے ایک عرصے سے بڑی پارٹیوں سے امیدیں وابستہ کیں اوران کو ووٹ دئےے لیکن انہوں نے ہرقدم پر ان کے ساتھ دھوکہ کیا اورحددرجہ مایوس کیا لیکن جماعت اسلامی جس نے عوام کو کسی بھی موقع پر تنہا نہیں چھوڑاسیلاب ہویا زلزلہ یا ڈینگی سپرے ہرقدم پر عوام کے شانہ بشانہ رہی اوربے پناہ کام کیاعوام موقع دیں ملک کو ترقی وخوشحالی کی راہ پر گامزن کرکے ہی دم لیں گے۔انہوں نے کہا کہ اس سال لاہورشہر سے جماعت اسلامی کو قربانی کی کھالوں کی مدمیں 2کروڑ70لاکھ روپے کی رقم حاصل ہوئی ہے عوام کا جماعت پر بے پناہ اعتمادکرنے پر شکریہ اداکرتے ہیں،یہ سارے کی ساری رقم فلاحی کاموں جس میں چاربڑے ہسپتال،ڈسپینسریاں،خواتین کے لےے دستکاری مراکز،یتیموں اوربیواہوں کے لیے استعمال کریں گے۔ایک سوال کے جواب میں انہوں نے کہا کہ عمران خان کےساتھ اتحادہو سکتا ہے کیونکہ ان کے اورجماعت کے ایجنڈا میں زیادہ فرق نہیں اوردونوں جماعتوں کے آپس میں رابطے جاری ہیں لیکن انتخابی ایڈجسٹمنٹ وقت آنے پر ہی فیصلہ کریں گے۔ایک اورسوال کے جواب میں انہوں نے کہا کہ عمران خان کو سیاست میں لانے والے ہم ہی ہیں،قاضی حسین احمد ہی وہ شخصیت ہیں جنہوں نے عمران خان کو سیاست میں لانے کےلیےمتحرک کیا ۔امیرالعظیم نےکہا کہ جماعت اسلامی کا دھرنا تاریخی نوعیت کاہوگا اوراس میں وسیع پیمانے پر صرف شہر لاہورسے لوگ شریک ہونگے۔انہوں نے کہا کہ کہ جماعت اسلامی اس دھرنا کے ذریعے سے Post Zardari Era))کے دورکا آغازکرنے جارہی ہے اورلاہورکا چھرہ پل ثابت کردے گا کہ لوگ پاکستان میں اسلامی انقلاب چاہتے ہیں۔
سورس

__________________
www.qureshimobiles.com