لاہور(جنگ نیوز) اٹارنی جنرل ملک محمد قیوم نے کہا ہے کہ صدر جنرل پرویز مشرف 29 نومبر کو وردی اتار کر سویلین صدر کے طور پر حلف اٹھائیں گے۔ میڈیا سے گفتگو کرتے ہوئے انہوں نے کہا کہ چیف جسٹس عبدالحمید ڈوگر ان سے حلف لیں گے۔ بعد ازاں وائس چیف آف آرمی اسٹاف جنرل اشفاق پرویز کیانی کو چیف آف آرمی اسٹاف مقرر کردیا جائے گا۔ انہوں نے کہا کہ صدر مشرف اگلے 5 سال کی مدت صدارت کا حلف 29 نومبر بروز جمعرات کو اٹھائیں گے اور آرمی کے سربراہ کا عہدہ چھوڑ دیں گے۔ واضح رہے کہ صدارتی انتخاب کا آخری مرحلہ 29 نومبر کو مکمل ہو جائیگا جسکی اٹارنی جنرل نے لاہور میں صحافیوں سے گفتگو کے دوران توثیق کی۔

__________________