2010 : اکتوبر-26
سڈنی (نیٹ نیوز)آخر کا ر آسٹریلیا کے سابق وزیر اعظم جان ہاورڈ بھی جوتا کھانے والے سابق اور مو جو دہ حکمرانوں کی صف میں شامل ہو گئے ہیں۔ان پر جوتا ایک براہ راست ٹی وی پروگرام کے دوران اس وقت پھینکاگیا جب عراق کی جنگ میں آسٹریلیا کے فوجیوں کی شرکت پر بحث کی جا رہی تھی۔ جان ہاورڈ نے جب یہ کہاکہ عراق میں فوجی مہم کی ٹھوس وجوہات موجود تھیں تو پرو گرام میں مو جود ایک شخص نے شدید غصے میں آکر عراق میں ہلاک ہونے والے آسٹریلوی فوجیوں کابدلہ لینے کا فیصلہ کرتے ہوئے سابق وزیر اعظم پر جوتا اچھا ل دیا جو اپنے ہدف تک نہ پہنچ سکا تا ہم اس واقعہ کے بعد حملہ آور کو سٹوڈیو سے باہر نکال دیا گیا۔ یاد رہے کہ اس سے قبل سابق امریکی صدر جارج بش، صدر جارجیا میخائل ساآکاشویلی اور چند دیگر سیاسی مدبرین پر جوتے اچھالے جا چکے ہیں۔

__________________
جاویداسد