جیو ٹی وی کی بندش کا خاتمہ جلد ہوگا، الطاف حسین



لندن (پ ر) متحدہ قومی موومنٹ کے قائد الطاف حسین نے کہا ہے کہ جیو ٹی وی کی بندش کاخاتمہ جلد ہوگا اور اگر نہیں ہوگا تو ایم کیوایم اس بندش کو ختم کروانے کیلئے جیو کے کارکنوں کے شانہ بشانہ ہوگی۔ انہوں نے یہ بات جیو ٹی وی سے گفتگو کرتے ہوئے کہی۔ انہوں نے کہا کہ جب جیو ٹی وی اور دیگر ٹی وی چینلز پر پابندی عائد کی گئی تو ایم کیوایم نے اس پر بھرپور احتجاج کیا اور اس پر پابندی کو ختم کروانے کیلئے نجی سطح پر بھی بھرپور کوشش کی ان کوششوں کے نتیجے میں اے آر وائی اور دیگر ٹی وی چینلز پر سے پابندی ختم کی گئی اور انشاء اللہ جیو ٹی وی کی بندش کا خاتمہ بھی جلد ہوگا اور اگر نہیں ہوگا تو ایم کیوایم جیو پر عائد پابندی کے خاتمہ کیلئے جیو کے کارکنوں کے شانہ بشانہ ہوگی۔