|
حامد کاظمی، سیکرٹری اور جوائنٹ سیکرٹری وزارت مذہبی امور کے اکاﺅنٹس منجمد، نام ای سی ایل میں شامل
15-12-10, 04:52 AM
حامد کاظمی اور آغا سرور قزلباش کی گرفتاری کی اجازت طلب،بحراﷲ ہزاروی کا نام بھی ای سی ایل میں شامل، راﺅ شکیل کے اکاﺅنٹس بھی منجمد
اسلام آباد (ایوب ناصر خصوصی، نامہ نگار)حج کرپشن سکینڈل میں ملوث ہونے کی وجہ سے برطرف وفاقی وزیر حامد سعید کاظمی اور سابق سیکرٹری مذہبی امور آغا سرور رضا قزلباش،بحراﷲ ہزاروی کے بیرون ملک جانے پر پابندی عائد کر کے ان کے نام ای سی ایل میں شامل کر دیئے گئے ہیں۔ حامد سعید کاظمی، سرور قزلباش، جوائنٹ سیکرٹری راجہ آفتاب الاسلام اور راﺅ شکیل احمد خان کے بنک اکاﺅنٹس منجمد کر دیئے گئے ہیں۔ ایف آئی اے نے ٹھوس شواہد کی بنیاد پر حامد سعید کاظمی اور آغا سرور قزلباش کی گرفتاری کی اجازت طلب کر لی گئی ہے۔ آئندہ 48 گھنٹوں میں اس میں اہم پیشرفت متوقع ہے۔ ذرائع کا کہنا ہے کہ حج کرپشن میں حامد سعید کاظمی کے ملوث ہونے کے متعدد شواہد مل گئے ہیں۔ وفاقی وزیر نے راﺅ شکیل کو بغیر تنخواہ کے حج ڈائریکٹر مقرر کیا تھا جنہوں نے صرف 29 فیصد عمارتوں کے لئے 95 کروڑ روپے خرچ کر دیئے جبکہ ان کے بعد حاصل کی گئی 71 فیصد عمارتوں پر صرف 30 کروڑ کا فنڈ خرچ کیا گیا۔ ایف آئی اے کی ٹیم ویزا نہ ملنے کی وجہ سے روانہ نہ ہو سکی۔ روانہ ہونے والی ٹیم اب صرف حج ڈائریکٹوریٹ اور پاکستانی سفارتخانے کے عملے سے پوچھ گچھ کرنے کی مجاز ہو گی۔ سعودی شہریوں یا مالکان جائیداد کو شامل تفتیش کرنا ممکن نہیں ہو گا۔ ایف آئی اے کو ملنے والے شواہد میں وزارت کا ایک لیٹر پیڈ بھی شامل ہے جس پر سابق وفاقی وزیر کے دستخط موجود نہیں ہیں ایک وڈیو ٹیپ بھی ملا ہے جس میں حامد سعید کاظمی کے بھانجے ایک ٹورآپریٹر سے بھاری رقم مانگ رہے ہیں۔ ذرائع کا کہناہے کہ راﺅ شکیل کے فرنٹ مین فیض احمد نے فاروق نامی ایک شخص کے ذریعے 13 ملین ریال کی ایک کک بیک حاصل کی تھی۔ ایف آئی اے نے 2010 ء کے حج اپریشن کے دوران عازمین حج کو سہولتیں فراہم کرنے والے تمام ٹور آپریٹرز کو طلب کر لیا ہے۔ ایف آئی اے ان ٹورآپریٹرز کے ساتھ ہونے والے کنٹریکٹ کا بھی جائزہ لے گی۔ ایف آئی اے کو یہ بھی معلوم ہوا ہے کہ حج فارم کے عوض کروڑوں روپے رشوت حاصل کر نے کے باوجود ویزے نہیں لگوائے گئے۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,971 مراسلہ میں 8,223 بارشکریہ ادا کیا گیا
|
|
15-12-10, 04:52 AM
Linear Mode
Similar Threads
