جاویداسد

پشاور(مانیٹرنگ ڈیسک) پشاور میں گارڈز کو یرغمال بنا کر قانون نافذ کرنے والے ادارے کی عمارت پر قبضہ کرنے والے گرفتار دہشت گردوں نے سرنڈر کر دیا ہے۔ آئی ایس پی آر کی جانب سے جاری بیان میں بتایاگیاہے کہ دہشت گردوں نے اپنے آپ کو سیکورٹی فورسز کے حوالے کردیا ہے جبکہ ان سے بازیاب کرائے گئے گارڈز خیروعافیت سے ہیں۔ سی سی پی او پشاورنے میڈیا سے گفگتو کرتے ہوئے بتایاکہ آج صبح چھ بجے کے قریب دہشت گردوں نے پشاور میں حساس ادارے عمارت پر قبضہ کر کے دو اہلکاروں کو یرغمال بنا لیا تھا۔ان کا کہنا تھا کہ دہشت گردوں کی تعداد تین سے چار تھی تاہم آپریشن بخیریت مکمل کر لیا گیا ہے۔اس سے قبل نو گھنٹے سے زائد جاری رہنے والے آپریشن کے دوران صدر جانے والی تمام سڑکوں کو سیل کر دیا گیا اور اہل علاقہ کو ہدایت پنے گھروں کے اندر ررہنے کی ودیات کردی دی گئی ۔ابتدئی طور پر اطلاعات آرہی تھیں کہ صبح چھ بجے نامعلوم حملہ آوروں نے کینٹ ایریا میں امریکی قونصل خانے کے قریب حساس ادارے کے دفتر پر حملہ کردیا اور اس میں گھس کر تخریب کاری کی کوشش کی اورسیکورٹی فورسز نے تخریب کاروں کو گھیرے میں لے کر جوابی کارروائی شروع کی جس کے بعد فائرنگ کا تبادلہ شروع ہوگیاتاہم بعد میں یہ اطلاعات افواہیں ثابت ہوئیںجب ڈی جی آئی ایس پی آر میجر جنرل اطہر عباس نے بتایا کہ عمارت پر باہر سے کسی قسم کا کوئی حملہ نہیں ہوا بلکہ زیر حراست سہشت گردوں نے گارڈز کو یرغمال بنا رکھا ہے۔